«DEMOSCOPE» qoǵamdyq pikir ekspress-monitoringiniń biýrosy azamattar arasynda «Qazaqstanda beibit jiyn ótkizý quqyǵy» taqyrybynda júrgizilgen saýalnamanyń qorytyndysyn jariialady, dep habarlaidy "Ult aqparat".
«DEMOSCOPE» qoǵamdyq pikir ekspress-monitoringiniń biýrosy (Jobany Qazaqstandaǵy Konrad Adenaýer atyndaǵy qor ókildiginiń qoldaýymen Halyqaralyq MediaNet jýrnalistik ortalyǵy júzege asyrady) 2019 jyldyń 26-29 qyrkúiegi aralyǵynda 14 oblys pen respýblikalyq mańyzy bar úsh qalada 1 100 adamǵa saýal qoiǵan.
«Saýalnama statsionarlyq nómirlerge telefon qońyraýy arqyly júrgizildi. Oǵan jasy 18-den asqan erler (47 paiyz) men áielder (53 paiyz) qatysty. Tańdaý negizi retinde Qazaqstan boiynsha statsionarlyq telefon nómirleriniń abonentik bazasy paidalanyldy. Nátijesinde respondentterdiń 43 paiyzy mitingilerge oń, al 16 paiyzy teris qaraityny, al 41 paiyzy beitarap qaraityny nemese jaýap berýge qinalatyny anyqtaldy. Suralǵandardyń 46 paiyzy beibit jiyndardyń qandai da bir oqiǵaǵa nemese memlekettik sheshimderdi qabyldaýda yqpaly baryn aityp, jaýap berdi», - delingen DEMOSCOPE zertteýinde.
Al saýalnamaǵa qatysqandardyń 40 paiyzy mitingilerdiń jaǵdaidy turaqsyz etetinin aitqan. Qalǵany (14 paiyzy) jaýap bermegen.
«Suralǵandardyń 73 paiyzy miting ótkizý – bilikpen kelisilýi kerek dep esepteidi. Al 17 paiyzy bul pikirmen kelispeidi. Qazaqstandyqtardyń damyǵan demokratiia jaǵdaiynda ómir súrmegenin esepke alǵanda, sonymen qatar azamattar halyqaralyq quqyq salasyndaǵy standarttarmen tanys bolmaǵandyqtan mundai kórsetkishter qisynǵa keledi. Alaida protesterdi azamattardyń jiger tanytýy retinde qabyldaý úrdisi evoliýtsiialanyp keledi. Al azamattar onyń tiimdiligine kózin jetkizip kele jatyr», - delingen DEMOSCOPE zertteýinde.
Atalǵan tańdaý boiynsha statistikalyq aýytqý 95 paiyzdyq yqtimaldyqtyń - 3 paiyzynan aspaidy.
