«DEMOSCOPE» قوعامدىق پٸكٸر ەكسپرەسس-مونيتورينگٸنٸڭ بيۋروسى ازاماتتار اراسىندا «قازاقستاندا بەيبٸت جيىن ٶتكٸزۋ قۇقىعى» تاقىرىبىندا جٷرگٸزٸلگەن ساۋالنامانىڭ قورىتىندىسىن جارييالادى, دەپ حابارلايدى "ۇلت اقپارات".
«DEMOSCOPE» قوعامدىق پٸكٸر ەكسپرەسس-مونيتورينگٸنٸڭ بيۋروسى (جوبانى قازاقستانداعى كونراد ادەناۋەر اتىنداعى قور ٶكٸلدٸگٸنٸڭ قولداۋىمەن حالىقارالىق MediaNet جۋرناليستٸك ورتالىعى جٷزەگە اسىرادى) 2019 جىلدىڭ 26-29 قىركٷيەگٸ ارالىعىندا 14 وبلىس پەن رەسپۋبليكالىق ماڭىزى بار ٷش قالادا 1 100 ادامعا ساۋال قويعان.
«ساۋالناما ستاتسيونارلىق نٶمٸرلەرگە تەلەفون قوڭىراۋى ارقىلى جٷرگٸزٸلدٸ. وعان جاسى 18-دەن اسقان ەرلەر (47 پايىز) مەن ەيەلدەر (53 پايىز) قاتىستى. تاڭداۋ نەگٸزٸ رەتٸندە قازاقستان بويىنشا ستاتسيونارلىق تەلەفون نٶمٸرلەرٸنٸڭ ابونەنتٸك بازاسى پايدالانىلدى. نەتيجەسٸندە رەسپوندەنتتەردٸڭ 43 پايىزى ميتينگٸلەرگە وڭ, ال 16 پايىزى تەرٸس قارايتىنى, ال 41 پايىزى بەيتاراپ قارايتىنى نەمەسە جاۋاپ بەرۋگە قينالاتىنى انىقتالدى. سۇرالعانداردىڭ 46 پايىزى بەيبٸت جيىنداردىڭ قانداي دا بٸر وقيعاعا نەمەسە مەملەكەتتٸك شەشٸمدەردٸ قابىلداۋدا ىقپالى بارىن ايتىپ, جاۋاپ بەردٸ», - دەلٸنگەن DEMOSCOPE زەرتتەۋٸندە.
ال ساۋالناماعا قاتىسقانداردىڭ 40 پايىزى ميتينگٸلەردٸڭ جاعدايدى تۇراقسىز ەتەتٸنٸن ايتقان. قالعانى (14 پايىزى) جاۋاپ بەرمەگەن.
«سۇرالعانداردىڭ 73 پايىزى ميتينگ ٶتكٸزۋ – بيلٸكپەن كەلٸسٸلۋٸ كەرەك دەپ ەسەپتەيدٸ. ال 17 پايىزى بۇل پٸكٸرمەن كەلٸسپەيدٸ. قازاقستاندىقتاردىڭ دامىعان دەموكراتييا جاعدايىندا ٶمٸر سٷرمەگەنٸن ەسەپكە العاندا, سونىمەن قاتار ازاماتتار حالىقارالىق قۇقىق سالاسىنداعى ستاندارتتارمەن تانىس بولماعاندىقتان مۇنداي كٶرسەتكٸشتەر قيسىنعا كەلەدٸ. الايدا پروتەستەردٸ ازاماتتاردىڭ جٸگەر تانىتۋى رەتٸندە قابىلداۋ ٷردٸسٸ ەۆوليۋتسييالانىپ كەلەدٸ. ال ازاماتتار ونىڭ تيٸمدٸلٸگٸنە كٶزٸن جەتكٸزٸپ كەلە جاتىر», - دەلٸنگەن DEMOSCOPE زەرتتەۋٸندە.
اتالعان تاڭداۋ بويىنشا ستاتيستيكالىق اۋىتقۋ 95 پايىزدىق ىقتيمالدىقتىڭ - 3 پايىزىنان اسپايدى.
