Tótenshe jaǵdai kezinde jeke tulǵalardyń banktik shottaryna qoiylǵan shekteýler alynady. Bul týraly QR Qarjy ministrligi Memlekettik kirister komitetinen málim etti, dep habarlaidy "Ult aqparat".
Memleket basshysynyń tapsyrmasyn oryndaý sheńberinde Memlekettik áleýmettik saqtandyrý qorynan tótenshe jaǵdaiǵa bailanysty tabysynan aiyrylǵan adamdarǵa 42500 teńge somasynda ai saiynǵy áleýmettik kómek aýdarý bastaldy.
«Osyǵan orai, aýmaqtyq Memlekettik kirister departamentteri táýekel dárejesi joǵary salyq tóleýshilerdi qospaǵanda, dara kásipker retinde tirkeýde turǵan jeke tulǵalarǵa jáne jeke praktikamen ainalysatyn tulǵalarǵa qatysty shyǵarylǵan bank shottary boiynsha shyǵys operatsiialaryn toqtata turý týraly ókimder men inkassalyq ókimderdi qoldap keri qaitarýda.
Sondai-aq, komitet tarapynan Ádilet ministrligine jáne Jeke sot oryndaýshylardyń respýblikalyq palatasyna buryn shyǵarylǵan sot buiryqtary men sheshimderin, sondai-aq jiberilgen salyq buiryqtary boiynsha azamattardyń kez kelgen shottaryna salynǵan tyiym salýdyń áreketterin ýaqytsha toqtata turýdy jáne jeke tulǵanyń bereshegin óndirip alý týraly oryndaýdaǵy salyq buiryqtary boiynsha tyiym salýdy toqtata turýdy surap, hat joldady», - delingen aqparatta.
Eske sala keteiik, osyǵan deiin mikro, shaǵyn nemese orta kásipkerlik sýbektileri sanatyna jatqyzylǵan salyq tóleýshiler úshin salyqtardyń barlyq túri men áleýmettik tólemder boiynsha tólem merzimi 2020 jyldyń 1 maýsymyna deiin keiinge qaldyryldy. Sondai-aq táýekel dárejesi joǵary salyq tóleýshilerdi qospaǵanda, salyq jáne keden bereshegin, áleýmettik tólemder boiynsha bereshekti májbúrlep óndirip alý sharalaryn jáne merziminde oryndalmaǵan salyq mindettemesin oryndaýdy qamtamasyz etý tásilderin qoldaný aǵymdaǵy jyldyń 1 maýsymyna deiin toqtatyldy (QR Úkimetiniń 2020 jylǵy 27 naýryzdaǵy № 141 qaýlysynyń 4.1) jáne 4.2)-tarmaqshalary).
