Qazaqstandyqtar óz quqyǵyn belsendi túrde qorǵai bastaǵan. Bul týraly QR Prezidenti janyndaǵy Ulttyq qoǵamdyq senim keńesiniń múshesi Marat Shibutov aitty, dep habarlaidy "Ult aqparat".
«Memlekettik organdarǵa kelip túsetin aryz-shaǵymdardy saraptaityn bolsaq, laýazymdy tulǵalardyń áreketteri men áreketsizdikterine qatysty shaǵym birinshi orynǵa shyǵady. Mundai aryz-shaǵymdar 40%-dy quraidy. Qoǵam laýazymdy tulǵalardyń áreketterine nemquraily qaraýdy doǵarǵan, olar ásirese laýazymdy tulǵalar tarapynan bolǵan áreketsizdikke qatysty kóp shaǵymdanady», - dedi Marat Shibutov QR Sybailas jemqorlyqqa qarsy qyzmeti ótkizgen AntikorLive jobasynda.
Ol qazaqstandyqtardyń azamattyq belsendiligi arta túskenin aitty.
«Eger kúsh-qýatty durys baǵytqa jumsasa, nátije jaman bolmaidy. Qazirgi ýaqytta kerekti baǵyt arnaiy monitoringtik toptar túrinde jáne eriktiler túrinde de bar», - deidi ol.
