Ǵalymdar koronavirýstan kóp kóz jumýdy D dárýmeni jetispeýshiligimen bailanystyrady, dep habarlaidy QazAqparat.
«Sońǵy jyldary qazaqstandyqtarda D dárýmeniniń jetispeýshiligi kóbeiip barady. D dárýmeniniń immýnitetti nyǵaitýdaǵy róli zor. Adam aǵzasyna bul dárýmen jetispegen jaǵdaida aýrý asqynyp ketýi múmkin», - deidi «Olimp» klinikalyq-diagnostikalyq zerthanalar jelisiniń marketing jáne innovatsiialar jóninde direktory Aleksei Balas.
Onyń aitýynsha, qys mezgilinde Qazaqstan turǵyndarynyń 80%-yna jýyǵy D dárýmeni jetispeýshiliginen zardap shegedi.
«Bul kórsetkish kóbinese eresekterge qatysty. Balalar D dárýmeniniń profilaktikalyq dozasyn alady. Al eresekter ol týraly umytyp ketedi, sol sebepti qys mezgilinde bilinip qalady. D dárýmeni az-kóptigin anyqtaityn test qazirgi kezde keń qoldanysta. Atalǵan testti ár adam dáriger nusqaýymen de, óz qalaýymen de tapsyrýyna bolady», - deidi ol.
