QR Prezidenti janyndaǵy Qazaqstan strategiialyq zertteýler institýty turǵyndardyń otbasyn qurý týraly saýalnama suraqtaryna bergen jaýabyn usyndy, dep habarlaidy "Ult aqparat".
Saýalnama respýblikalyq mańyzy bar Z qala jáne 14 oblystaǵy 59 qalalyq eldimeken jáne aýyldyq jerlerde ótken.
Onda 18 jastaǵy jáne odan asqan 2000 respondent «Siz baqytty otbasyn qura aldyńyz ba?» degen suraqqa jaýap bergen.
«Lev Tolstoidyń «Óz úiinde baqytty adam – eń baqytty» degen naqyl sózin eskerip, qazaqstandyqtardyń jartysynan astamyn osyndai sanatqa jatqyzýǵa bolatynyn atap ótemiz. Respýblikalyq saýalnama barysynda respondentterdiń 67,7% baqytty otbasyn qura alǵanyn málimdedi. Al taǵy 24,1% áli baqytty otbasyn qurmaǵan, biraq oǵan qol jetkize alatynyna senimdi. Baqytty otbasy qura alatynyna kúmándanatyndardyń úlesi – 3,8%» dep habarlady institýt.
Aita keteiik, 15 mamyr – halyqaralyq otbasy kúni. Ataýly data 1993 jyldan bastap BUU Bas Assambleiasynyń qararyna sáikes atap ótiledi.
