Arnaiy saýalnamaǵa qatysqan qazaqstandyqtardyń 60%-dan astamy sybailas jemqorlyqqa qarsy kúreste kómek kórsetýge daiyn ekendigin bildirgen. Bul týraly «Transparency Kazakhstan» QQ atqarýshy direktory Olga Shiian Ortalyq kommýnikatsiialar qyzmetinde ótken brifingte aitty, dep habarlaidy QazAqparat.
«Zertteýge 200-ge jýyq áleýmettanýshy men 12 taldaýshy qatysty. Olar osy kúzde respýblikalyq mańyzy bar 3 qalada, 14 oblys jáne 143 aýdan ortalyǵynda saýalnama júrgizdi. Ádisteme Transparency International-diń eki jahandyq zertteýine – turǵyndardyń sybailas jemqorlyq tájiribesin ólsheitin álemdik sybailas jemqorlyq barometri men qoǵamdyq diskýrstaǵy sybailas jemqorlyq taqyrybynyń ózektiligin baǵalaityn sybailas jemqorlyqty qabyldaý indeksine negizdelgen», - dep atap ótti Olga Shiian.
Onyń aitýynsha azamattardyń 37,4%-y jáne kásipkerlerdiń 45,9%-y sońǵy jyly sybailas jemqorlyqtyń tómendegenin kórsetti. Respondentterdiń 11,3%-y memlekettik organdarǵa júgingen kezde turmystyq sybailas jemqorlyqqa tap bolǵan (2019 jyly 13,4%). ShOB ókilderiniń 8,2%-y memlekettik organdarǵa júgingen kezde máseleni beiresmi jolmen sheshý qajettiligine tap bolǵan (2019 jyly 9,2%).
«Biznes-qoǵamdastyqtaǵy jaǵymdy kórinisti atap ótken jón: suralǵan kásipkerlerdiń 80%-dan astamy Qazaqstanda para bermei-aq, tek quqyqtyq salada jumys istei otyryp, óz biznesin damytýǵa ábden bolady dep esepteidi. Azamattar men biznes-qoǵamdastyqtardyń pikirinshe, Prezident (70%), Sybailas jemqorlyqqa qarsy is-qimyl agenttigi (63% jáne 65%), Úkimet (59% jáne 62%), Memlekettik qyzmet isteri agenttigi (55% jáne 59%) jáne «Nur Otan» partiiasy (53% jáne 55%) barynsha senimge Saýalnamaǵa qatysqan qazaqstandyqtardyń 60%-dan astamy sybailas jemqorlyqqa qarsy kúreste kómek kórsetýge daiyn ekendigin jetkizdi», - deidi ol.
