Memleket 2018-2020 jyldar aralyǵynda 59 myń otbasyǵa ońtústikten soltústik óńirlerge kóshýge kómek beredi. Bul týraly eńbek jáne áleýmettik damý vitse-ministri Birjan Nurymbetov úkimette ótken baspasóz konferentsiiasy barysynda aitty, - dep habarlaidy "Ult aqparat" kaz.tengrinews.kz portalyna silteme jasap.
Nurymbetovtyń aitýynsha, 2017 jyly eńbek mobildiligi baǵdarlamasyn júzege asyrýǵa 710 million teńge bólindi.
"Bul qarajat tek 288 otbasynyń kóshýine kómektese alady. Odan bólek bizdiń elde otbasylarǵa ishki kóshi-qon jaǵdaiynda soltústiktegi tórt óńirge kóshýge kvota beriledi. Ol somaǵa materialdyq kómek pen kóshýge arnalǵan sýbsidiialar bar. Bul degenimiz otbasynyń árbir múshesine 35 myń ailyq eseptik kórsetkishten nemese 79,4 myń teńgeden keledi. Ekinshisi - ol sýbsidiialar. Iaǵni, kóship kelgen otbasyǵa bir jyl ýaqyt boiy jaldamaly turǵyn úiine qajetti shyǵyndar óteledi", - dep túsindirdi Birjan Nurymbetov.
Onyń aitýynsha, soltústikke kóshetin halyq sany azaiǵan jaǵdaida 2020 jyly soltústiktegi tórt óńirdegi halyq sany 167 myń adamǵa azaiady.
Eske sala keteiik, osyǵan deiin soltústik óńirlerdiń turǵyndarynyń sany 2050 jylǵa qarai 5 million adamǵa kóbeietini jaily aitylǵan bolatyn. "Birinshi jartyjyldyqta 672 adam - 320 otbasy basqa óńirlerde jumyspen qamtylaý maqsatynda meken-jailaryn aýystyrǵan. Olardyń 424-i eńbekke jaramdy otbasylardyń múshesi. Sondai-aq, olardyń 75 paiyzy nemese 320-y jumyspen qamtamasyz etilgen. Jańa meken-jailary boiynsha olarǵa jaldamaly turǵyn úi berilip, kóshi-qon shyǵyny óteledi", - degen edi osyǵan deiin QR Densaýlyq saqtaý jáne áleýmettik damý vitse-ministri Nurymbetov.
