Elimizde koronavirýsqa qatysty arandatýshy aqparat taratyp, halyqty túrliktiretin jaǵdai týdyrýǵa talpynǵandar zań júzinde jazasyn alady. Bul týraly memleket basshysy Qasym-Jomart Toqaev úndeýinde aitty, dep habarlaidy "Ult aqparat".
«Arandatýshy aqparat taratyp, halyqty dúrliktiretin jaǵdai týdyrýǵa talpynǵandar zań júzinde jazasyn alady. Qazaqstannyń barlyq azamatyn sabyr saqtap, bir-birine kómektesýge, ózin jáne jaqyndaryn qorǵaýǵa shaqyramyn. Halqymyzdyń rýhy kúshti, ásirese búgingi kúni bizge optimizm qajet jáne ómirge pozitivti qaraý asa mańyzdy», - dedi Memleket basshysy Qasym-Jomart Toqaev koronavirýsqa qatysty úndeýinde.
Sondai-aq, ol qazaq halqy basynan nebir qiyn kezeńderdi ótkizgenin aitty.
«Biz tarihymyzda basymyzdan nebir qiyndyqtardy ótkizgen halyqpyz, sol synaqtardan eń aldymen bereke-birliktiń arqasynda súrinbei óttik. Búkil halyqty judyryqtai jumylýǵa, sabyr saqtaýǵa shaqyramyn. Bul kúrdeli jaǵdaidy bárimiz birge eńseremiz dep senemin. Halqymyz – aman, jurtymyz – tynysh bolsyn. Biz birgemiz!», - dedi ol.
Eske sala ketsek, keshe QR Prezidenti Jarlyǵymen Qazaqstan Respýblikasynda tótenshe jaǵdai jariialandy.
