Qazaqstandyqtardy aqshany jumsaýmen qatar jinaqtaý ádetine baýlý qajet. Mundai pikirdi Aqordada Memleket basshysy Qasym-Jomart Toqaevtyń Prezidenttik kadr rezervke kirgen jastarmen kzdesýinde AHQO Birjasynyń qarjy direktory Rinat Bekturov bildirdi, dep habarlaidy QazAqparat.
«Ishki qorlardy jandandyrýǵa bailanysty birneshe oiym bar. Mysalǵa, qazaqstandyqtardy aqshany jumsaýmen qatar jinaqtaý ádetine baýlý qajet dep kámil senemin. Sebebi jinaqtaý tek qana aýqatty adamdardyń ǵana emes ár adamnyń daǵdysy bolýy tiis. Ol úshin qarjylyq saýattylyqty bala shaqtan qalyptastyrý qajet dep oilaimyn», - dedi ol.
Sonymen qatar Rinat Bekturov elimizde ótip jatqan jekeshelendirý baǵdarlamasyn jalǵastyryp, oǵan el azamattaryn barynsha kóp tartý kerektigin aitty.
«Iaǵni, IRO-ǵa qazaqstandyqtardyń barynsha kóp qatysýyn qamtamasyz etý qajet dep oilaimyn. «Astana» halyqaralyq qarjy ortalyǵy aimaǵymyzdaǵy jetekshi qarjy ortalyqqa ainalýy úshin osynda álemniń aldyńǵy qatarly qarjy institýttaryn qolda bar barlyq múmkinshilikterdi paidalana otyryp tartý kerek. Buǵan qosa, olarǵa jergilikti azamattardy jumysqa alyp, halyqaralyq deńgeidegi mamandar deńgeiine deiin tárbieleýge yntalandyrý kerek. Bul elimiz úshin tiimdi bolar edi dep senemin», - dedi AHQO Birjasynyń qarjy direktory.
