Foto: Polisia.kz
ShQO politseileri qazaqstandyqtardy 80 million teńgege san soqtyrǵan internet-alaiaqtar tobyn quryqtady, – dep habarlaidy "Ult aqparat" Polisia.kz portalyna silteme jasap.
ShQO PD kriminaldyq politsiia “Kiberpol” qyzmetkerleri internet-alaiaqtyq faktileri boiynsha kópepizodty qylmystyq isti ashty.
Buǵan deiin Óskemen qalasy PB Úlbi politsiia bólimine oblys ortalyǵynyń turǵyny ótinishpen júgingen. Ol belgisiz adam oǵan qońyraý shalyp, ózin bank qyzmetkeri retinde tanystyrǵanyn aitqan. Suhbattasýshy onyń atyna aqshalai nesie resimdelgenin eskertip, óz kómegin usynǵan. Banktiń jalǵan qyzmetkeri sengish jábirlenýshiniń saýalnamalyq derekterin alyp, oǵan 1 million teńge kóleminde nesie resimdegen.
"Jedel-izdestirý is-sharalaryn júrgizý barysynda politsiia qyzmetkerleri úsh kúdiktiniń jeke basyn anyqtady. Tártip saqshylary olardyń úilerindegi zattai dáleldemelerdi tárkiledi.
50-den astam jábirlenýshi internet-alaiaqtar tobynyń qurbanyna ainalǵan, al zalal somasy shamamen 80 million teńgeni quraidy" - delingen habarlamada.
Jas adamdar jumysty tanymal messendjer arqyly tapqany anyqtaldy. Olardyń róli qylmystyq jolmen alynǵan bóten adamdardyń aqshasyn bankomattar arqyly zańsyz qolma-qol aqshaǵa ainaldyrý bolǵan. Keiin olar mámileniń belgili bir paiyzyn alyp, aqshany kriptovaliýtaǵa aýdaryp otyrǵan.
"Politsiia departamenti QR QK-niń 190-baby 2-bóligi (Alaiaqtyq) boiynsha sotqa deiingi tergeýdi bastady, qazirgi ýaqytta qajetti tergeý jáne jedel-izdestirý is-sharalary júrgizilip jatyr. Tiisti sot saraptamalary taǵaiyndaldy" - deidi ShQO PD baspasóz qyzmeti ókilderi.
