Qazaqstandyqtar áleýmettik tólemderdi turǵylyqty tirkeýge qaramastan kez kelgen HQO-dan rásimdei alady, dep habarlaidy "Ult aqparat".
2021 jyldyń úshinshi toqsanynda áleýmettik tólemderdiń úsh túrin resimdeý úshin memlekettik qyzmetter kórsetýdiń eksterritorialdy qaǵidaty engiziledi.
Qazaqstandyqtar turaqty tirkeý mekenjaiyna qaramastan, elimizdiń kez kelgen HQO-syna júgine alady.
Bul týraly ortalyq kommýnikatsiialar qyzmetinde ótken brifingte «Azamattarǵa arnalǵan úkimet» memlekettik korporatsiiasy tóraǵasynyń orynbasary Birjan Júnisov aitty.
Qazir turaqty tirkeý jerine qarasty HQO-ǵa júginý – áleýmettik tólemderdi resimdeýdiń basty talabynyń biri.
«Memlekettik qyzmetterdi kórsetý úderisin tsifrlandyrý baǵyttarynyń biri aýmaqtan tys qaǵidatty engizý. Úshinshi toqsanda osy printsiptiń arqasynda qazaqstandyqtar balanyń týylýyna jáne bala kútimine bailanysty járdemaqyny, júktilik pen bosanýǵa, jańa týǵan sábidi asyrap alýǵa bailanysty kiristerin joǵaltqan jaǵdaida áleýmettik tólemder alýǵa ótinish bere alady jáne bir jasqa tolǵan kezde balany kútýge bailanysty tabysy joǵalǵan jaǵdaida, tirkeý ornyna qaramastan, eldiń kez kelgen halyqqa qyzmet kórsetý ortalyǵyna qujat ótkize alady. Jyl sońyna qarai biz basqa tólemder boiynsha da eksterritorialdy qaǵidatty engizýdi josparlap otyrmyz» – dedi Birjan Júnisov.
2021 jyldyń birinshi jartyjyldyǵynda «Azamattarǵa arnalǵan úkimet» áleýmettik salada 815 myń memlekettik qyzmet kórsetti.
Jalpy memlekettik korporatsiia tólemderdiń 44 túri boiynsha elektrondyq is maketterin qalyptastyrady jáne mindetti zeinetaqy, áleýmettik jáne meditsinalyq aýdarymdar boiynsha derbestendirilgen esep júrgizedi.
