Foto: ashyq derekkóz
Qazaqstanda búginde 4821-ge jýyq buqaralyq aqparat quraly tirkelgen, onyń ishinde 235 telearna, 100-ge jýyq radiostantsiia, 1200-den astam aqparattyq agenttikter men jelilik basylymdar halyqty aqparatpen qamtamasyz etedi, dep habarlaidy Ult.kz.
Qoǵamdyq saiasat institýty júrgizgen zertteý nátijeleri qazaqstandyqtardyń eldegi jańalyqtardy alýdaǵy negizgi arnalaryn anyqtady. Saýalnamaǵa qatysqandardyń 66,8%-y áleýmettik jelilerdi aqparat kózi retinde paidalanady, bul kórsetkish teledidardan (54,7%) aitarlyqtai basym. Ásirese Qyzylorda (68,2%), Batys Qazaqstan (66,7%) jáne Qostanai (65%) oblystarynda áleýmettik jelilerdiń úlesi joǵary. 18-24 jas aralyǵyndaǵy jastar (76,3%) áleýmettik jelilerdi jii qoldansa, teledidardy kóbinese aýyl turǵyndary (58,3%) kóredi.
Aqparat alý arnalarynyń TOP-3 tizimine internet-BAQ (53%) kiredi. Olar Shymkent (71%), Almaty (62,3%) jáne Aqtóbe oblysy (61,4%) turǵyndary arasynda erekshe tanymal. Memlekettik organdardyń saittary (14%), gazet-jýrnaldar (8,8%) jáne radio (5,9%) jetekshi úshtikke qaraǵanda aitarlyqtai artta qalǵan.
Memlekettik organdardyń saittaryn kóbinese kásibi, ǵylymi-tehnikalyq sala ókilderi (28,5%), memlekettik qyzmetshiler (27,6%) jáne qarjy, saqtandyrý salasynyń qyzmetkerleri (24,3%) paidalanady. Bilim deńgeii joǵary bolǵan saiyn, respondentter memlekettik organdardyń saittaryn jii qoldanady.
Saýalnamaǵa qatysqandardyń 15,4%-y jańalyqtardy dostarynan, týystarynan jáne áriptesterinen alady. Bul ásirese Almaty (26,2%), Jetisý (23,6%) jáne Qaraǵandy oblystarynda (21,4%) keń taralǵan.
