Qazaqstandyqtar jumys berýshiniń qansha jalaqy, tabys salyǵy men áleýmettik tólemderdi aýdarǵanyn teksere alady, dep habarlaidy "Ult aqparat."
Memlekettik kirister komiteti «e-Salyq Azamat» mobildi qosymshasyndaǵy «qyzmetkerdiń eńbegine aqy tóleý» servisin iske qosty, ol qyzmetkerge eseptelgen jeke tabys salyǵynyń, zeinetaqy jarnalarynyń, mindetti áleýmettik aýdarymdardyń jáne meditsinalyq saqtandyrýǵa áleýmettik aýdarymdardyń somasyn qarap shyǵýǵa múmkindik beredi.
Serviste 2020 jyldyń barlyq kezeńderin qaraýǵa bolady.
Derekterge qol jetkizý úshin elektrondyq tsifrlyq qoltańba nemese SMS qupiia sózi arqyly sáikestendirýden ótý qajet. SMS habarlamasy mobildi azamattar bazasynda (HQKO) tirkelgen uialy telefon nómirine túsedi.
Derekterdi qaraý úshin «salyq ámiiany», «qyzmetkerdiń eńbegine aqy tóleý» qosymsha betin tańdap, jyl men kezeńdi tańdaý qajet.
Bastapqy kezeńde jumys berýshileri biýdjetpen esep aiyrysý kezinde jalpyǵa birdei belgilengen rejimdi nemese ońailatylǵan deklaratsiia negizinde arnaiy salyq rejimin qoldanatyn, jeke tulǵalar derekterdi qarai alady.
Málimetter bolmaǵan nemese derekter sáikes kelmegen jaǵdaida, salyq eseptiligin túzetý úshin jumys berýshige júginý qajet.
«E-Salyq Azamat» tegin mobildi qosymshasyn App Store nemese Play Market platformalarynan júkteýge bolady.
