© Photo: Aikúmis Sársenniń januialyq arhivi
Qazaqstandyqtar Qaraǵandy qalasynda turatyn úsh jasar Aikúmis Sársenniń emine bir milliard teńge jinap berdi. Osy qarjyǵa kishkentai qyz álemdegi eń qymbat dárini saldyrtady, dep habarlaidy Sputnik Qazaqstan agenttigi e-karaganda.kz portalyna silteme jasap.
Aikúmis – Qaraǵandy oblysynda "julyn bulshyqetiniń semýi" diagnozymen tirkelgen jalǵyz bala. 2021 jyly 24 mamyrda kishkentai qyzdyń ata-anasy emge aqsha jinaitynyn jariialaǵan bolatyn. Sodan beri oblys ortalyǵynda san alýan aktsiialar, jármeńkeler men qaiyrymdylyq kontsertteri uiymdastyryldy. Biznesmender de óz kómegin aiamady.
17 tamyzda qajetti aqsha jinaldy. Aikúmis ata-anasymen birge Dýbaiǵa attandy. Sol jerde oǵan eń qymbat dári – Zolgensma-ny egedi. Qyzdyń ata-anasy barsha qazaqstandyqqa sheksiz alǵysyn bildirip otyr.
Aita keteri, "Zolgensma" preparatyn shveitsariialyq "Novartis" kompaniiasy shyǵarady. Bul dári Ginnestiń rekordtar kitabyna álemdegi eń qymbat preparat retinde engen. Osy dáriniń bir dozasy aýrýdy toqtatady. Onyń quramynda SMN1 geniniń kóshirmesi bar. Ol adam aǵzasyndaǵy kemistigi bar gendi almastyrady. Bir dozanyń baǵasy bir milliard teńge turady.
Buǵan deiin "Qazaqstan halqyna" qorynyń esebinen birneshe balaǵa Zolgensma satyp alyndy.
