1 qyrkúiekte bastalatyn Ulttyq sanaqqa qatysýdyń birneshe joly usynylatyn bolady, dep habarlaidy "Ult aqparat".
QR Strategiialyq josparlaý jáne reformalar agenttigi Ulttyq statistika biýrosynan málim etkendei, sanaqqa onlain rejimde qatysýǵa bolady. Ol 1 qyrkúiek – 15 qazan aralyǵynda sanaq.gov.kz saitynda júrgiziledi. Júie táýligine 24 saǵat boiy qoljetimdi. Respondent sanaqqa qatysý úshin ózine yńǵaily kez kelgen ýaqytty tańdai alady. Sondai-aq saitta blankty toltyrýdy toqtatý jáne ony toltyrýdy keiin qaita jalǵastyrý múmkindigi jasalady.
Offlain qatysý. Ol1-30 qazan aralyǵynda ótkiziledi. Sanaqtan onlain-rejimde ótpegen respondentterdiń úilerine interviýerler barady. Olar suraqtardyń jaýabyn planshetterge engizedi.
Sonymen qatar, egov.kz elektrondy úkimet platformasynda sanaq.gov.kz saitynyń qosymsha paraǵy ornalastyrylady. Onda elektrondy tsifrly qoltańba (ETsQ) arqyly sanaqqa qatysýǵa bolady.
Budan bólek, Ulttyq sanaq suraqtaryna «Aitu» mobildik qosymshasyn júkteý arqyly jaýap berý múmkindigi jasalady.
Buǵan deiin habarlaǵanymyzdai, elimizde ulttyq sanaq 2021 jyldyń 1 qyrkúiegi - 30 qazany aralyǵynda ótedi. Qazaqstandyqtar barlyǵy 87 suraqqa jaýap beredi.
