قازاقستاندىقتار ۇلتتىق ساناققا بٸرنەشە جولمەن قاتىسا الادى

1 قىركٷيەكتە باستالاتىن ۇلتتىق ساناققا قاتىسۋدىڭ بٸرنەشە جولى ۇسىنىلاتىن بولادى, دەپ حابارلايدى "ۇلت اقپارات".

قر ستراتەگييالىق جوسپارلاۋ جەنە رەفورمالار اگەنتتٸگٸ ۇلتتىق ستاتيستيكا بيۋروسىنان مەلٸم ەتكەندەي, ساناققا ونلاين رەجيمدە قاتىسۋعا بولادى. ول 1 قىركٷيەك – 15 قازان ارالىعىندا sanaq.gov.kz سايتىندا جٷرگٸزٸلەدٸ. جٷيە تەۋلٸگٸنە 24 ساعات بويى قولجەتٸمدٸ. رەسپوندەنت ساناققا قاتىسۋ ٷشٸن ٶزٸنە ىڭعايلى كەز كەلگەن ۋاقىتتى تاڭداي الادى. سونداي-اق سايتتا بلانكتى تولتىرۋدى توقتاتۋ جەنە ونى تولتىرۋدى كەيٸن قايتا جالعاستىرۋ مٷمكٸندٸگٸ جاسالادى. 

وففلاين قاتىسۋ. ول1-30 قازان ارالىعىندا ٶتكٸزٸلەدٸ. ساناقتان ونلاين-رەجيمدە ٶتپەگەن رەسپوندەنتتەردٸڭ ٷيلەرٸنە ينتەرۆيۋەرلەر بارادى. ولار سۇراقتاردىڭ جاۋابىن پلانشەتتەرگە ەنگٸزەدٸ. 

سونىمەن قاتار, egov.kz ەلەكتروندى ٷكٸمەت پلاتفورماسىندا sanaq.gov.kz سايتىنىڭ قوسىمشا پاراعى ورنالاستىرىلادى. وندا ەلەكتروندى تسيفرلى قولتاڭبا (ەتسق) ارقىلى ساناققا قاتىسۋعا بولادى. 

بۇدان بٶلەك, ۇلتتىق ساناق سۇراقتارىنا «Aitu» موبيلدٸك قوسىمشاسىن جٷكتەۋ ارقىلى جاۋاپ بەرۋ مٷمكٸندٸگٸ جاسالادى. 

بۇعان دەيٸن حابارلاعانىمىزداي, ەلٸمٸزدە ۇلتتىق ساناق 2021 جىلدىڭ 1 قىركٷيەگٸ - 30 قازانى ارالىعىندا ٶتەدٸ. قازاقستاندىقتار بارلىعى 87 سۇراققا جاۋاپ بەرەدٸ.