Qazaqstandyqtar joiqyn jer silkinisinen zardap shekken Túrkiiaǵa kómek retinde 616 myń dollar jinady. Bul týraly aqparat Túrkiia elshiliginiń Facebook-tegi resmi akkaýntynda jariialandy, - dep habarlaidy Tengrinews.kz.
Vedomstvo málimetinshe, 10 aqpanda AFAD resmi shotyna qazaqstandyqtardyń 616 000 dollar kólemindegi qaiyrymdylyq qarajaty aýdarylǵan. Qaiyrymdylyqtyń jalpy somasy 1 million 819 myń dollar boldy.
Astanada ornalasqan Túrkiianyń Qazaqstandaǵy elshiligi demalys kúnderi de kómek qabyldanatynyn atap ótti.
"Kórpeler, generatorlar, jylytqyshtar, uiyqtaityn qaptar, shatyrlar, tósenishter, lager tósekteri siiaqty zattar erekshe alǵyspen qabyldanady", - delingen elshilik habarlamasynda.
Qazaqstandaǵy Túrkiia elshiligi bergen shot derektemeleri:
- Qazaqstandyq Ziraat bank KZI Bank.
- Karta nómiri: 5354 5700 2979 2895.
- Shot nómiri: KZ43885102870D1ZLV00.
- SWIFT kody: KZIBKZKA.Aqshany jeke jáne korporativtik shottardan komissiiasyz aýdarýǵa bolady.
