Biyl «Vitebskidegi «Slavian bazary» halyqaralyq óner festivalinde Qazaqstan atynan Kyle Ruh (Erik Tólenov), al balalar baiqaýynda Alinýr Hamzin óner kórsetti. Eki oryndaýshy da baiqaýdyń laýreaty atandy, dep habarlaidy "Ult aqparat".
Erik Tólenov ulttyq dástúrdi saqtaýdaǵy joǵary sheberligi úshin memleketaralyq «MIR» teleradiokompaniiasynyń «Pesnia - Pýt k Sodrýjestvý» arnaiy marapatyna ie boldy. Sondai-aq Erik Tólenov halyqaralyq baiqaýdyń laýreaty atandy. Al 12 jastaǵy Alinýr Hamzin balalar arasynda osy saiysta ekinshi oryn aldy.
Aita keteiik, Erik Tólenov 1993 jyly Túrkistan oblysy, Ashysai aýylynda dúniege kelgen. Kentaý qalasyndaǵy №23 Turar Rysqulov atyndaǵy mektepti, T.Júrgenov atyndaǵy Qazaq Ulttyq Óner akademiiasyn bitirgen, 2014-2016 jyldary túrli mýzykalyq toptarda óner kórsetken. 2021 jyly Mozart halyqaralyq shyǵarmashylyq festivaliniń jáne Welle-music wave halyqaralyq baiqaýynyń gran-pri iegeri atanǵan, The Voice of Kazakhstan tanymal baiqaýynda II oryn aldy. Onyń qoiylymy álemniń eń úzdik The Voice shoýlarynyń qataryna endi.
Alinýr Hamzin 2010 jyly Oral qalasynda dúniege kelgen. №27 mektep-litseiiniń 6-synybynda jáne № 1 mýzyka mektebinde oqidy. Sońǵy 5 jylda respýblikalyq konkýrstarǵa, telejobalarǵa jáne halyqaralyq konkýrstarǵa, onyń ishinde Parijdegi Junior Eurovision baiqaýyna, Tashkenttegi «Roza vostoka» halyqaralyq konkýrsyna qatysqan. Sondai-aq, ol - ártúrli telejobalar men konkýrstardyń laýreaty.
