2020 jyldyń aqpanynan bastap Eýraziia ekonomikalyq odaǵyna múshe memleketterdiń azamattary shekaradan 100 myń AQSh dollarynan (balama) kóp mólsherde aqsha alyp ótetin bolsa, kedenshilerge ol aqshanyń qaidan alǵanyn rastaityn qujattaryn kórsetedi, dep habarlaidy QazAqparat.
«EEK (Eýraziia ekonomikalyq komissiiasy – avt) Alqasy jeke tulǵalar shekaradan ekvivalenti 100 myń AQSh dollarynan asatyn aqsha alyp óterde ony qaidan alǵanyn rastaityn qujattaryn kórsetetini týraly qaýly qabyldady», - delingen komissiianyń málimdemesinde.
Sheshim biyl 6 tamyzda qabyldanǵan.
TASS agenttiginiń habarlaýynsha, EEK sheshim Komissiianyń saitynda jariialanǵannan keiin 180 kúntizbelik kúnnen keiin kúshine enetinin málimdegen. Al onyń jariialanǵan kúni – 7 tamyz.
Aita keteiik, EAEO-nyń qoldanystaǵy Keden kodeksine sáikes, keden organyna jolaýshylarǵa arnalǵan kedendik deklaratsiiasyn usynǵan kúni qoldanysta bolatyn valiýta baǵamy boiynsha 10 myń AQSh dollaryna balama somadan asatyn qolma qol aqsha qarajatyn jáne (nemese) jol chekterin odaqtyń kedendik aýmaǵyna bir ýaqytta ákelý nemese odaqtyń kedendik aýmaǵynan bir ýaqytta áketý kezindegi qolma qol aqsha qarajaty jáne (nemese) jol chekteri kedendik deklaratsiialaýǵa jatady (EAEO KK 160-baby, 1-bóliginiń 7) tarmaǵy). Kodeks 2018 jylǵy 1 qańtarda kúshine engen.
EAEO-ǵa qatysýshy-memleketter: Armeniia Respýblikasy, Belarýs Respýblikasy, Qazaqstan Respýblikasy, Qyrǵyz Respýblikasy jáne Resei Federatsiiasy.
