Foto: ©️ Tengrinews.kz /Turar Qazanǵapov
Poiyzben saparlaý - qazaqstandyqtar úshin bailanyssyz qalý degen sóz. Óitkeni joldardyń kóp bóliginde uialy bailanys antenalary sónip, al 4G týraly tek armandaýǵa bolady. "Qazaqstan temir joly" internet máselesimen ainalyspaq, - dep habarlaidy Tengritravel.kz.
"QTJ" UK" AQ málimetinshe, taiaýda jolaýshylarǵa barlyq temir jol baǵytynda, tipti alys aimaqtarda da internet qoljetimdi bolady. Qazaqstannyń temir jolynda spýtniktik OneWeb terminaly iske qosylady.
"Signal qabyldaý tómenorbitaldy spýtniktik toptyń arqasynda qabyldanady, sonyń nátijesinde bailanys turaqtalady jáne ony beketterde qosymsha kanal retinde paidalanýǵa bolady", - deidi "QTJ" UK" AQ strategiia jáne tsifrovizatsiia tóraǵasynyń orynbasary Ánýar Ahmetjanov.
Spýtniktik bailanys pen internet qashan bolatyny naqtylanbady.
OneWeb LLC - Greg Ýailer negizin qalaǵan telekommýnikatsiialyq kompaniia. Kompaniia júzdegen million áleýetti paidalanýshylardy internet joq jerde keń jolaqty qoljetimdilikpen qamtamasyz etý maqsatynda qurylǵan.
