«Jolaýshylar tasymaly» AQ Marketing jáne satý departamentiniń direktory Almas Aitbaev qolma-qol aqshanyń jetpeýinen bilet aqshasyn qaitarý protsesine túsinistikpen qaraýdy surady, dep habarlaidy QazAqparat.
«16 naýryzdan bastap ýaqytsha tótenshe jaǵdaidyń engizilýine bailanysty, jolaýshylar poiyzdaryna, onyń ishinde sheteldikterdiń respýblikaǵa aýmaǵyna kirýine jáne diplomatiialyq qyzmet personaly men lokomotiv brigadalary syndy jekelegen toptan ózge turǵyndardyń elden shyǵýyna shekteý qoiyldy. Bul jaǵdaida kompaniia 9 memleketaralyq poiyzdy toqtatyp, 7 poiyzda Qazaqstan shekarasy mańyndaǵy baǵyttar qysqardy, kórshiles temirjol ákimshilikterimen 23 poiyz toqtatyldy», - dedi A. Aitbaev tilshilerge bergen suhbatynda.
Toqtatylǵan poiyzdar týraly tolyq aqparatty QTJ korporativtik saitynan alýǵa bolady.
«Sonymen birge, kompaniia óz klientterine kómektesý maqsatynda, aldyn ala berilgen memleketaralyq biletterdegi aqshany qaitarý týraly sheshim qabyldady. Memleketaralyq poiyzdardyń toqtatylýyna bailanysty, bizdiń kassalarymyzǵa óte kóp bilet qaitarylyp jatyr. Mundai jaǵdaida bilet kassalarynda qosymsha qarajat qarastyrylǵan, belgili bir kassalarda qolma-qol aqsha jetkiliksizdigin qospaǵanda, qarajat jolaýshylarǵa dereý qaitarylýda. Mundai jaǵdailarda, bilettiń kúshi joiylady jáne jolaýshy kez kelgen ózine yńǵaily ýaqytta aqshasyn alyp kete alady. Bilet kassalaryndaǵy aýqymdy júkteme úshin jolaýshylarymyzdan jaǵdaida bilet qaitarý protsesinde túsinistik pen shydamdylyq tanytýyn suraimyz», - dedi Almas Aitbaev.
