2008 jyldan beri qarý-jaraqtardy óz erikterimen politsiiaǵa ótkizgen el turǵyndaryna 1,7 mlrd teńge syiaqy berildi. Bul týraly QR IIM Ákimshilik politsiia komitetiniń bólim bastyǵy Asylbek Ydyrysov aitty, dep habarlaidy QazAqparat.
«2008 jyldan bastap turǵyndardyń zańsyz saqtalǵan qarý-jaraq zattaryn satyp alý aktsiiasy júrgizilip keledi. Osyndai aktsiialardyń nátijesinde halyq aqshalai syiaqyǵa óz erikterimen 53 myńnan astam atys qarýy jáne iir oiyqty myltyqqa arnalǵan 2 mln danadan astam oq tapsyrdy. Oǵan jalpy somasy 1,7 mlrd teńgege jumsaldy», - dedi.
Onyń atap ótýinshe, biyl da dál osyndai aktsiia 20 sáýirde bastaldy. Aktsiia aiasynda memleket el turǵyndarynan zańsyz qarý-jaraq pen oq-dári satyp alý úshin 95 mln teńgeden astam qarajat bóldi.
«Azamattar politsiia organdaryna óz erikterimen 1 381 atys qarýyn, iir oiyqty myltyqqa arnalǵan 57 292 oq, sonymen qatar 11 jarylǵysh qurylǵy jáne 15 keli jarylǵyz zat tapsyrdy. Olardyń jalpy quny 91 mln 467 myń teńgeni quraidy»,- dedi bólim bastyǵy.
Asylbek Ydyrysovtyń atap ótýinshe, azamattar ótkizgen qarý-jaraqqa tólenetin soma 30 myńnan 300 myń teńgege deiin bolady.
