23-25 maýsym aralyǵynda bes planeta – Merkýrii, Sholpan, Mars, Iýpiter jáne Satýrnnyń sherýi ótedi, - dep habarlaidy Tengrinews.kz.
Olar shyǵys pen soltústik-shyǵystan doǵa túrinde sozylyp, túngi aspanda bir qatarǵa turady. Qazaqstandyqtar biregei astronomiialyq qubylystyń kýágeri bola alady. Bul týraly astrofizik Viktor Teifel habarlady.
Ǵalymnyń aitýynsha, planetalar sherýi tańda bolatyndyqtan qazaqstandyqtar 23 maýsymnan 24 maýsymǵa qaraǵan túni bul planetalardyń barlyǵyn tamashalai alady. Eń jaryǵy – Iýpiter men Satýrndy tún ortasynda kórýge bolady. Sholpan tek tańǵy ýaqytta kórinedi. Merkýriidi tańerteń erte nemese keshke, kún batqannan keiin tamashalai alasyz.
Mundai qubylys sońǵy ret 1864 jyly 5 naýryzda bolǵan. Barlyq bes planeta men Ai qatty jarqyrap turǵandyqtan olar jaryǵy kóp qalalar men eldi mekenderden de kórinedi.
