Endi qazaqstandyqtar JSN-de tirkelgen jer ýchaskeleri týraly málimetterdi tikelei óz telefonynan kóre alady. Jer kadastrynan málimet endi eGovMobile qosymshasynda beriledi, dep habarlaidy "Ult aqparat".
Ulttyq aqparattyq tehnologiialar kompaniiasynyń málimetinshe, eGovMobile mobildi qosymshasynda jer ýchaskeńiz týraly málimetti alý úshin «Jyljymaityn múlik» bólimin ashý jáne «Memlekettik jer kadastrynan málimetter berý» qyzmetin tańdaý qajet. Sodan soń JSN boiynsha jerdiń bar-joǵyna suraý salý jiberý, tizimnen 1-10 jer ýchaskesin tańdaý jáne ETsQ (elektrondyq tsifrlyq qoltańba) nemese bir rettik parolmen qol qoiý arqyly málimetter alýǵa ótinim jiberý kerek.
«Qaltadaǵy HQKO» tujyrymdamasyn basshylyqqa ala otyryp, biz eGovMobile qosymshasyndaǵy qyzmet pen servistiń sanyn barynsha kóbeitýdi josparlap otyrmyz. Bul azamattarǵa mobildi bolýǵa jáne memlekettik kórsetetin qyzmetterdi alý protsesin barynsha jeńildetýge múmkindik beredi. Eger buryn bul aqparatty alý úshin birneshe kún qajet bolsa, qazir ony 15 minýtta alýǵa bolady», - dep túsindirdi «Ulttyq aqparattyq tehnologiialar» AQ Basqarma tóraǵasy Áset Turysov.
eGovMobile mobildi qosymshasy GooglePlay jáne AppStore-da júkteýge bolady. Esterińizge sala keteiik, búgin qosymshada 73 qyzmet pen servis qoljetimdi.
