2019 jyldyń III toqsanyndaǵy jaǵdai boiynsha, elimizde 8,8 mln adam jumys isteidi, dep habarlaidy "Ult aqparat" QR Statistika komitetine silteme jasap.
«Jumys istep júrgenderdiń jartysynan kóbi (51,8 paiyzy nemese 4,5 mln adam) er adamdar bolsa, 48,2 paiyzy nemese 4,2 mln adam áielder. Ekonomikadaǵy jumys isteitin azamattardyń 6,7 milliony nemese 76,0 paiyzy – jaldanyp eńbek etetinder. Al ózin-ózi jumyspen qamtyǵandardyń sany 2,1 mln (24,0 paiyz). Jaldanyp jumys isteitin respondentterdiń 44,5 paiyzy kásipodaq múshesi ekenin, al 79,7 paiyzy eńbek zańnamasynda qarastyrylǵandai jeńildikter men ótemaqy alý quqyǵyna ie ekenin (jumystan shyqqan jaǵdaida) aitqan», - dep habarlaidy vedomstvodan.
Komitettiń málimetinshe, respondentterdiń 19,7 paiyzy aptasyna 40 saǵattan artyq ýaqyt jumys isteitinin (2018 jyly – 21,1 paiyzy) jetkizgen. Osy respondentterdiń jartysynan kóbi, iaǵni 66,9 paiyzy jumys berýshiniń talaby boiynsha, al 18,9 paiyzy tabysyn arttyrý úshin, al 7,9 paiyzy óndiristik qajettilikke bailanysty osylai eńbek etetin aityp, jaýap bergen.
Jumyspen qamtylǵan halyqtyń 480,1 myńy (5,5 paiyzy) kásibi oqytýdan ótken. Onyń ishinde 384,5 myńy (80,1 paiyz) jumys berýshiniń nemese basqa da uiymdardyń qarajaty esebinen osy oqytýdan ótken.
Jumyspen qamtylǵan respondentterdiń 12,2 paiyzy eńbektiń jaisyz ári qaýipti jaǵdaiynda (2018 jyly – 12,0 paiyz) eńbek etetin, al olardyń ishinde 12,3 paiyzy qolaisyz temperatýralyq jaǵdaida, 9,4 paiyzy qaýipti mehanizmmen, 18,9 paiyzy júike júiesine artyq júkteme túsetinin, 17,6 paiyzy kóshede jumys isteitinin, 24,1 paiyzy aýyr fizikalyq jumysty atqaratynyn aitqan.
Jumyspen qamtylǵandardyń jartysyna jýyǵy (49,8 paiyzy) jumysqa qoǵamdyq kólikpen, 19,3 paiyzy jaiaý, 21,2 paiyzy jeke kólikpen jetetinin jetkizgen.
Jumys isteitin áielderidń 15,3 paiyzy (2018 jyly – 13,2 paiyzy) eńbek jaǵdaiy men úidegi mindettemelerdi úilestirý qiynǵa túsip júrgenin jazǵan.
