Elektrondyq úkimet portalynda turǵylyqty mekenjai boiynsha onlain tirkelý rásimi ózgerdi, dep habarlady «Azamattarǵa arnalǵan úkimettiń» baspasóz qyzmetinen.
Endi onlain-tirkeý úshin azamattarǵa 20 minýt jetkilikti. Sondai-aq Qazaqstan Respýblikasynyń Salyq kodeksine engizilgen ózgeristerge sáikes, biyl qańtar aiynan bastap tirkeý úshin memlekettik baj alynbaidy.
Eske sala keteiik, buryn Elektrondyq úkimet portaly arqyly tirkelgende 10 % AEK kóleminde memlekettik baj tóleý kerek bolatyn. Sosyn «Azamattarǵa arnalǵan úkimet» memlekettik korporatsiiasynyń front-ofisine kelip, jeke kýálik chipine tirkeý týraly derekter jazbasyn engizý úshin kóshi-qon qyzmetkerine júginýi qajet edi. Al biylǵy naýryz aiynan bastap portal arqyly turǵylyqty jeri boiynsha tirkelý rásimi aitarlyqtai jeńildetildi.
Endi jyljymaityn múlik iesi jáne tirkeletin azamat egov.kz portalynda tirkelgennen keiin, tirkelýshi ótinish berip, ony menshik iesi óziniń elektrondyq tsifrlyq qoltańbasymen (ETsQ) rastaýy tiis.
Ótinish berilgennen keiin derekter shamamen 10 minýtta óńdeledi, sodan keiin tirkelgen mekenjai boiynsha anyqtama alýǵa tapsyrys berýge bolady. Bul qyzmetke ETsQ-sy bar kez kelgen azamat Qazaqstannyń barlyq aimaqtarynda qol jetkize alady.
