Qostanai oblysyndaǵy alapat orman órtinen zardap shekkenderge kómek retinde "Qaiyrymdylyq KZ" qoryna qazaqstandyqtar qansha soma jinaǵany belgili boldy, - dep habarlaidy Tengrinews.kz.
"Búginde qorǵa 491 million 614 myń teńge tústi. 5 qyrkúiekte "Saryarqa avtoprom" JShS 70 million teńge aýdardy, PetroRetail JShS - 50 million teńge, Abýlǵazin Daniiar Rústemuly (ashyq derekter boiynsha, QR Ulttyq Olimpiada komitetiniń jalpy máseleler jónindegi vitse-prezidenti – esk.) – 50 million teńge, "Arip-Avir" JShS – 5 million teńge", - dedi qor tóraǵasy Batyrbek Ahmetov.
Onyń aitýynsha, 5 qyrkúiekte 102 million teńge tússe, 6 qyrkúiekte - 33 million teńge. Qarajat áli de túsip jatyr.
Ahmetov qordyń aqsha jinaý merzimin shektemegenin, biraq ony jumsaý bastalmaǵanyn aitty.
Qor quryltaishylary qarajatty bólýde ashyq bolýǵa ýáde berdi.
