2020 jylǵy 18 aqpannan bastap, «Ashyq dialog» portalynda «Halyq únine qulaq asatyn memleket» tujyrymdamasyna kóshý» taqyrybynda saýalnama ótkizilip jatyr, dep habarlaidy "Ult aqparat".
Atalǵan saýalnama «Halyq únine qulaq asatyn memleket» tujyrymdamasyn turǵyndar qalai qabyldaitynyn jáne oǵan olardyń tarapynan qandai usynystar bolatynynyn bilý maqsatynda júrgiziledi.
Aita keterligi, «Halyq únine qulaq asatyn memleket» tujyrymdamasynyń basty maqsaty – bilik pen halyq arasynda konstrýktivti dialog ornatý.
2019 jyly Memleket basshysy halyqqa Joldaýynda «Halyq únine qulaq asatyn memleket» tujyrymdamasy azamattardyń barlyq ótinishterine jedel jáne tiimdi jaýap berýge baǵyttalýy kerek ekenin atap ótken bolatyn.
«Jasyratyny joq, memlekettik apparat qyzmetindegi máseleler kóp jaǵdaida biliktegiler men azamattar arasynda keri bailanystyń joqtyǵyna qatysty bolyp keledi.
«Halyq únine qulaq asatyn memleket» – bul barynsha ashyq jáne esepti memleketti qalyptastyrý. Sondyqtan, bul turǵyda turǵyndardyń pikiri barynsha eskerilýi tiis.
Saýalnama «Ashyq dialog» portalynda 2020 jyldyń 1 naýryzyna deiin ótkiziledi. Árbir azamat myna siltemege ótý arqyly tujyrymdamaǵa qatysty óz pikirin bildirip, usynysyn joldai alady», delingen habarlamada.
