Qazaqstanda qaterli isik diagnozymen dispanserlik baiqaýda 181 myń adam tur. Bul týraly Parlament Májilisinde meditsinalyq kómek taqyrybyna arnalǵan Úkimet otyrysynda QR Densaýlyq saqtaý ministri Eljan Birtanov málim etti, dep habarlaidy QazAqparat tilshisi.
«Sońǵy 20 jyldyń ishinde Qazaqstanda qaterli isikpen aýyrǵandar sany 8 paiyzǵa ósti (100 myń halyqqa shaqqanda 181,2-den 195,7-ge deiin). Salystyrý úshin Ekonomikalyq yntymaqtastyq jáne damý uiymy (EYDU) elderinde sáikes kezeńde obyrdan syrqattanýshylyqtyń ósýi 11,5 paiyzdy quraidy. 1999 jyldan bastap Qazaqstanda qaterli isikterden ólimniń jalpy 42 paiyzǵa tómendeýi tirkeldi (100 myń halyqqa shaqqanda 136,4-ten 78,3-ke deiin). Ekonomikalyq yntymaqtastyq jáne damý uiymy elderinde ólimniń tómendeý qarqyny -15,5 paiyz», - dedi Eljan Birtanov.
«2019 jylǵy 1 qańtardaǵy jaǵdai boiynsha qaterli isik diagnozymen dispanserlik baiqaýda 181 myń patsient tur. 2018 jyly 35 753 adam alǵash ret esepke alyndy, onyń 44,3 paiyzyn erler jáne 55,7 paiyzyn áielder qurady. Obyrdan qaitys bolǵandardyń arasynda erler úlesi 53,8 paiyz. Alǵash aýyrǵandardyń 60 paiyzǵa jýyǵy 18 jastan 63 jasqa deiingi eńbekke qabiletti jastaǵylar. Syrqattanýshylyq qurylymynda sút beziniń obyry (12,6%), ókpe obyry (9,9%), asqazan obyry (9,9%) aldyńǵy oryndarda tur. Sodan keiingi orynda jatyr moiny men tik ishek obyry (4,7%) tirkelgen», - dedi E. Birtanov.
Onyń atap ótýinshe, ólimniń negizgi sebepteri retinde ókpe obyry (16,5%), asqazan obyry (11,5%), sút beziniń obyry (8,4%) aiqyndaldy.
