قازاقستاندا قاتەرلٸ ٸسٸك دياگنوزىمەن ديسپانسەرلٸك بايقاۋدا 181 مىڭ ادام تۇر. بۇل تۋرالى پارلامەنت مەجٸلٸسٸندە مەديتسينالىق كٶمەك تاقىرىبىنا ارنالعان ٷكٸمەت وتىرىسىندا قر دەنساۋلىق ساقتاۋ مينيسترٸ ەلجان بٸرتانوۆ مەلٸم ەتتٸ, دەپ حابارلايدى قازاقپارات تٸلشٸسٸ.
«سوڭعى 20 جىلدىڭ ٸشٸندە قازاقستاندا قاتەرلٸ ٸسٸكپەن اۋىرعاندار سانى 8 پايىزعا ٶستٸ (100 مىڭ حالىققا شاققاندا 181,2-دەن 195,7-گە دەيٸن). سالىستىرۋ ٷشٸن ەكونوميكالىق ىنتىماقتاستىق جەنە دامۋ ۇيىمى (ەىدۇ) ەلدەرٸندە سەيكەس كەزەڭدە وبىردان سىرقاتتانۋشىلىقتىڭ ٶسۋٸ 11,5 پايىزدى قۇرايدى. 1999 جىلدان باستاپ قازاقستاندا قاتەرلٸ ٸسٸكتەردەن ٶلٸمنٸڭ جالپى 42 پايىزعا تٶمەندەۋٸ تٸركەلدٸ (100 مىڭ حالىققا شاققاندا 136,4-تەن 78,3-كە دەيٸن). ەكونوميكالىق ىنتىماقتاستىق جەنە دامۋ ۇيىمى ەلدەرٸندە ٶلٸمنٸڭ تٶمەندەۋ قارقىنى -15,5 پايىز», - دەدٸ ەلجان بٸرتانوۆ.
«2019 جىلعى 1 قاڭتارداعى جاعداي بويىنشا قاتەرلٸ ٸسٸك دياگنوزىمەن ديسپانسەرلٸك بايقاۋدا 181 مىڭ پاتسيەنت تۇر. 2018 جىلى 35 753 ادام العاش رەت ەسەپكە الىندى, ونىڭ 44,3 پايىزىن ەرلەر جەنە 55,7 پايىزىن ەيەلدەر قۇرادى. وبىردان قايتىس بولعانداردىڭ اراسىندا ەرلەر ٷلەسٸ 53,8 پايىز. العاش اۋىرعانداردىڭ 60 پايىزعا جۋىعى 18 جاستان 63 جاسقا دەيٸنگٸ ەڭبەككە قابٸلەتتٸ جاستاعىلار. سىرقاتتانۋشىلىق قۇرىلىمىندا سٷت بەزٸنٸڭ وبىرى (12,6%), ٶكپە وبىرى (9,9%), اسقازان وبىرى (9,9%) الدىڭعى ورىنداردا تۇر. سودان كەيٸنگٸ ورىندا جاتىر موينى مەن تٸك ٸشەك وبىرى (4,7%) تٸركەلگەن», - دەدٸ ە. بٸرتانوۆ.
ونىڭ اتاپ ٶتۋٸنشە, ٶلٸمنٸڭ نەگٸزگٸ سەبەپتەرٸ رەتٸندە ٶكپە وبىرى (16,5%), اسقازان وبىرى (11,5%), سٷت بەزٸنٸڭ وبىرى (8,4%) ايقىندالدى.
