QR Prezidenti janyndaǵy Qazaqstan strategiialyq zertteýler institýty qazaqstandyqtardyń karantin jaǵdaiynda Densaýlyq saqtaý ministrliginiń usynystaryn oryndai ma, joq pa degen saýalnama nátijelerin usynady, dep habarlaidy "Ult aqparat" Qazaqstan strategiialyq zertteýler institýtynyń baspasóz qyzmetine silteme jasap.
Psihologiia turǵysynan alǵanda, deni saý eresek adamnyń jeke basynyń kriteriileriniń biri – bul óz ómiri men qabyldaǵan sheshimderi úshin jeke jaýapkershilikti alý qabileti. Bir jyldan astam ýaqyttan beri biz koronavirýstyq pandemiiaǵa bailanysty karantindik shekteýlermen ómir súrip kelemiz. Osy ýaqyt ishinde árqaisymyzdyń ómirimiz, kózqarasymyz, tipti qundylyqtarymyz da ózgerdi. Densaýlyq saqtaý turǵysynan, eń aldymen, kóp nárse adamnyń ózine bailanysty. Sondyqtan da áleýmettanýshylardy qyzyqtyrǵan mańyzdy máselelerdiń biri – el azamattarynyń Densaýlyq saqtaý ministrliginiń usynystaryn oryndaýy týraly másele boldy.
Áleýmettanýlyq zertteýdiń nátijeleri boiynsha respondentterdiń jartysynan astamy saýalnama júrgizý kezinde karantin jaǵdaiynda árdaiym basty usynystardy oryndaityndyǵyn aitqan. Qoǵamdyq oryndarda qorǵanysh maskany kiip júrý boiynsha jaǵdai eń jaǵymdy kórsetkishke ie. Respondentterdiń 80,9%-y árdaiym osy erejeni ustanady, al 17,8%-y keide ony saqtaidy, al keide saqtamaidy. Al qoǵamdyq oryndarda maska kimeitinder - barlyq respondentterdiń 1%-nan az.
Barlyq respondentterdiń jartysynan astamy aýrýǵa shaldyqqan jaǵdaida ózin-ózi oqshaýlaidy, dezinfektsiialaýshy zattardy qoldanady jáne týystarymen jeke bailanysyn shekteidi. Shamamen árbir ekinshi respondent árdaiym basqalardan 1,5-2 metr qashyqtyqty saqtaidy jáne kóshede júrýdi shekteidi.
Sondai-aq, bizdiń aramyzda qorǵaýdyń qajetti normalaryn BARLYQ KEZDE saqtamaityndardyń da úlesi jetkilikti ekenin atap ótken jón. Mysaly, shamamen árbir úshinshi respondent otbasylyq is-sharalarǵa qatysa otyryp, týystarymen aralasýdy jalǵastyrady, sonymen qatar aýyrǵan jaǵdaida ózin-ózi oqshaýlaý rejimin árdaiym saqtai bermeidi.
