Qazaqstanda karantin sharalaryn saqtamaǵany úshin ákimshilik jáne qarjylyq jaýapkershilik júkteledi. Bul jaiynda sanitariialyq-epidemiologiialyq baqylaý komiteti málim etti, dep habarlaidy QazAqparat.
Jyl basynan beri sanitariialyq-epidemiologiialyq baqylaý departamentteriniń, ákimdikterdiń, qoǵam belsendileri menpolitsiia qyzmetteriniń ókilderi memlekettik organdar aiqyndaǵan sanitariialyq-karantindik is-sharalardy saqtaý turǵysynan ShOB obektilerine monitoring júrgizý boiynsha turaqty jumys júrgizýde.
Monitoring negizinen qoǵamdyq tamaqtaný, saýda nysandary, sonymen qatar adamdardyń kóp shoǵyrlanýymen buqaralyq is-sharalar ótkiziletin oryndardy qamtidy.
1 qańtar men 25 qyrkúiek aralyǵynda elimizdiń barlyq óńirinde 180 998 reid júrgizildi, 975 124 obekt qamtyldy.
Onyń ishinde karantin talaptaryn buzýshylyq 26 667 (2,7%) nysanda anyqtaldy.
Sonyń ishinde basym bóligi ShQO-da (5 344), Túrkistan (4 399), Qaraǵandy (1 660) oblystarynda, Almaty (3 906), Shymkent (2 452), Nur-Sultan (1 580) qalalarynda anyqtaldy.
Negizgi zańbuzýshylyqtar: karantin kezeńinde qyzmetine tyiym salynǵan obektilerdiń jumys isteýi, qonaqqa barý kezinde shekteý rejiminiń saqtalmaýy, karantin talaptaryna jaýap bermeitin buqaralyq is-sharalar ótkizý.
4 067 jospardan tys tekserý nátijesi boiynsha 3 742 uiǵarym berildi, 392 material sotqa joldandy, 113 nysannyń qyzmeti toqtatyldy.
Ákimshilik sanktsiialar 15 086 nysanǵa jáne 9 833 jeke tulǵaǵa salyndy, jalpy somasy 2 mlrd teńgeden astam aiyppul óndirildi.
