Karantin talaptaryn buzǵany úshin qazaqstandyqtarǵa 1,3 milliard teńgeden astam aiyppul salyndy, - dep habarlaidy "Ult aqparat" Sanitariialyq-epidemiologiialyq baqylaý komitetine silteme jasap.
Biyl 1 qańtar men 19 maýsym aralyǵynda karantin talaptarynyń saqtalýyn baqylaityn monitoring toptary 107 358 reid júrgizip, 655 859 nysandy tekserdi. 17 myńnan astam kásipkerlik nysany shekteý talaptaryn buzǵany habarlandy.
Karantin rejimin buzǵan kásipkerlik nysandarynyń basym bóligi Shyǵys Qazaqstan, Túrkistan jáne Almaty oblystarynda, sondai-aq, Almaty jáne Shymkent qalalarynda ornalasqan.
Monitoring barysynda karantin kezinde qyzmetine tyiym salynǵan nysandardyń jumys istegeni, jumys kestesine qoiylatyn shekteýlerdiń saqtalmaǵany, buqaralyq sharalardyń uiymdastyrylǵany anyqtaldy.
"Tekserý jumystarynyń nátijesi boiynsha, 315 is sotqa joldandy, 84 nysannyń qyzmeti ýaqytsha toqtatyldy.
Karantin talaptaryn buzǵany úshin 9, 9 myń shaǵyn jáne orta biznes iesi, 7,1 myń jeke tulǵa ákimshilik jaýapqa tartyldy. Salynǵan aiyppuldyń jalpy somasy 1,3 milliard teńgeden asady", - delingen VAK habarlamasynda.
