كارانتين تالاپتارىن بۇزعانى ٷشٸن قازاقستاندىقتارعا 1,3 ميلليارد تەڭگەدەن استام ايىپپۇل سالىندى, - دەپ حابارلايدى "ۇلت اقپارات" سانيتارييالىق-ەپيدەميولوگييالىق باقىلاۋ كوميتەتٸنە سٸلتەمە جاساپ.
بيىل 1 قاڭتار مەن 19 ماۋسىم ارالىعىندا كارانتين تالاپتارىنىڭ ساقتالۋىن باقىلايتىن مونيتورينگ توپتارى 107 358 رەيد جٷرگٸزٸپ, 655 859 نىساندى تەكسەردٸ. 17 مىڭنان استام كەسٸپكەرلٸك نىسانى شەكتەۋ تالاپتارىن بۇزعانى حابارلاندى.
كارانتين رەجيمٸن بۇزعان كەسٸپكەرلٸك نىساندارىنىڭ باسىم بٶلٸگٸ شىعىس قازاقستان, تٷركٸستان جەنە الماتى وبلىستارىندا, سونداي-اق, الماتى جەنە شىمكەنت قالالارىندا ورنالاسقان.
مونيتورينگ بارىسىندا كارانتين كەزٸندە قىزمەتٸنە تىيىم سالىنعان نىسانداردىڭ جۇمىس ٸستەگەنٸ, جۇمىس كەستەسٸنە قويىلاتىن شەكتەۋلەردٸڭ ساقتالماعانى, بۇقارالىق شارالاردىڭ ۇيىمداستىرىلعانى انىقتالدى.
"تەكسەرۋ جۇمىستارىنىڭ نەتيجەسٸ بويىنشا, 315 ٸس سوتقا جولداندى, 84 نىساننىڭ قىزمەتٸ ۋاقىتشا توقتاتىلدى.
كارانتين تالاپتارىن بۇزعانى ٷشٸن 9, 9 مىڭ شاعىن جەنە ورتا بيزنەس يەسٸ, 7,1 مىڭ جەكە تۇلعا ەكٸمشٸلٸك جاۋاپقا تارتىلدى. سالىنعان ايىپپۇلدىڭ جالپى سوماسى 1,3 ميلليارد تەڭگەدەن اسادى", - دەلٸنگەن ۆاك حابارلاماسىندا.
