Elimizde 1,3 trillion teńge (shamamen 60%) zeinetaqy tólemderi turǵyn úi jaǵdaiyn jaqsartýǵa jumsalǵan. Bul týraly QR Básekelestikti qorǵaý jáne damytý agenttigi «QazAqparat» HAA alańynda ótkizgen bastapqy turǵyn úi naryǵyndaǵy básekelestik týraly Open Space-te aityldy, dep habarlaidy QazAqparat.
«1,3 trillion teńge (shamamen 60%) zeinetaqy tólemderi turǵyn úi jaǵdaiyn jaqsartýǵa jumsaldy, onyń 46%-y (621 mlrd.teńge) - ipotekasyz turǵyn úi satyp alýǵa (tolyq óteý), 25%-y (336 mlrd.teńge) ipotekalyq nesie boiynsha qaryzdy jabýǵa (ishinara nemese tolyq), 14%-y (194 mlrd.teńge) jinaqtalǵan zeinetaqy tólemine, 6%-y (75 mlrd.teńge) «Otbasy» banktegi ipotekalyq turǵyn úi zaemyn alý úshin, 3%-y (40 mlrd.teńge) bastapqy tólemdy quraidy», - deidi QR Básekelestikti qorǵaý jáne damytý agenttiginiń tóraǵasy Serik Jumanǵarin.
Departamenttiń habarlaýynsha, tirkelgen satyp alý-satý mámileleriniń sany (2021 jyldyń qańtarynan sáýirine deiin 175 040) turǵyndar tarapynan suranystyń artqanyn kórsetedi. Alaida, turǵyn úi jaǵdaiyn jaqsartý úshin zeinetaqy tólemderin paidalaný erejeleri qurylys salýshyda Biryńǵai operatordyń kepildigi bolmasa, turǵyn úidi qurylys satysynda satyp alý múmkindigin joqqa shyǵarady.
