12 qyrkúiek pen 3 qazan aralyǵynda Litvada fýtzaldan Álem chempionatynyń finaldyq kezeńiniń oiyndary ótedi, dep habarlaidy QazAqparat.
Týrnirge 6 topta barlyǵy 24 komanda qatysady. Qazaqstan quramasy A tobynda Litva, Kosta-Rika, Venesýela komandalarymen oinaidy.
Plei-off kezeńine ár toptan alǵashqy eki oryn alǵan quramalar men 3-oryn ielegender arasynan 4 úzdik komanda shyǵady.
Toptyq kezeń 12-20 qyrkúiek aralyǵynda ótedi. Plei-off 1/8 finaldyń matchtarymen 22-24 qyrkúiekte bastalady. Shirek finaldar 26-27 qyrkúiekte, jartylaifinaldyq oiyndar 29-30 qyrkúiek kúnderi ótedi. Final men úshinshi oryn úshin match 3 qazanǵa josparlanǵan.
«Qazsport» telearnasy Qazaqstan quramasynyń barlyq oiyndary men Álem chempionatynyń ózge de komandalary arasyndaǵy kezdesýlerdi tikelei efirde kórsetedi. Onlain transliatsiiany qazsporttv.kz resmi saity men «Qazaqstan.tv» mobildi qosymshasynan kórý múmkindigi bar.
