Qazaqstandyqtar endi 1 jeltoqsan – Tuńǵysh Prezident kúninde demalmaidy. Bul týraly mádeniet jáne sport ministri Dáýren Abaev málimdedi, dep habarlaidy Sputnik Qazaqstan.
"Mereke atalyp ótedi. Eshqandai ózgeris joq. Biraq demalys bolmaidy, meniń túsingenim. Qalǵanynyń bári qalady", - dedi Abaev Májilis kýlýarynda.
Jýrnalister ministrden merekeni "memlekettik" mártebesinen nege aiyrǵanyn surady.
"Birinshi prezidenttiń úlesi bar, bárińiz bilesizder. Qazir de atalyp ótedi, ol Tuńǵysh Prezidenttiń kúni bolady. Jalpy merekelerdiń reformasy bolady ǵoi. Sonyń aiasynda shyǵar", - dep jaýap berdi Abaev.
Aita keteri, búgin Májilis mereke kúnderine qatysty zań jobasyn maquldap, Senatqa joldady.
Zań jobasynda 1 jeltoqsan Tuńǵysh Prezident kúnin memlekettik merekeler qatarynan alyp tastaý kózdelgen.
Sondai-aq 25 qazan ulttyq mereke – Respýblika kúni retinde belgilenedi. Al 16 jeltoqsan – Táýelsizdik kúni memlekettik mereke bolady.
