QR aqparat jáne kommýnikatsiialar ministri Dáýren Abaev Muhtar Ábliazovtiń "Qazaqstannyń demokratiialyq tańdaýy" qozǵalysynyń ekstremistik dep tanylýyna qatysty túsinikteme berdi, dep habarlaidy Sputnik Qazaqstan.
"Maǵan sottyń sheshimimen tanysý kerek. Meniń bilýimshe, bul zańdy kúshine birden emes, on kúnnen keiin enedi. Ár jaǵdaida jeke-dara taldaý júrgizgen jón. Eger Qazaqstan azamattary tyiym salynǵan nemese ekstremistik dep tanylǵan uiymnyń qyzmeti týraly aqparat taratatyn bolsa, onda olar tiisti zańmen qýdalanady", — dedi ministr.
Abaev shetelde qashyp júrgen oligarhtyń Qaznettegi qyzmetin shekteý jaǵy qarastyrylyp jatqanyn aitty.
"Biz qazir qarastyryp jastyrmyz. Sot sheshimine sáikes qajetti sharalardy qabyldaimyz", — degen ol qazaqstandyqtar ekstremistik dep tanylǵan qozǵalys týraly aqparat taratsa, qylmystyq jaýapkershilikke tartylatynyn aitty.
