Foto: ©️ Tengrinews.kz / Álihan Sariev
Endi qazaqstandyqtar eGov.kz - «Elektronnyq úkimet» portalynda týý týraly kýálikke, aty-jónin ózgertýge, neke qiiý jáne ajyrasý, bala asyrap alý jáne qaitys bolý týraly aktilik jazbalarǵa ózderi ózgeris engize alady, dep habarlaidy "Ulttyq aqparattyq tehnologiialar" AQ qoǵammen bailanys basqarmasy.
Jańa qyzmet jetkilikti negizder bolǵan jaǵdaida jáne múddeli tulǵalar arasynda daý bolmaǵan kezde qujattarǵa josparly ózgerister engizýdi (qate engizilmegen ózgerister) kózdeidi. Mysaly, atyn, tegin, jáne ákesiniń atyn ózgertý.
«Azamattyq hal aktileri jazbalaryna ózgerister, tolyqtyrýlar men túzetýler engizý» jańa qyzmetiniń kómegimen aktilik jazbalarǵa ózgerister engizý jáne qujattardy qaita shyǵarý úshin negizdemelerdi kórsetip, rastaityn qujattardy qosyp ótinim berýge bolady.
Qandai jaǵdailarda qujattarǵa ózgerister engizýge bolady:
• tegin jáne atyn, ákesiniń atyn ózgertkende;
• áke bolý týraly sot sheshiminiń kúshi joiylǵanda;
• nekede turmaǵan ananyń týý týraly aktilerdi tirkeý kitabyna balanyń ákesi týraly málimetter engizý jónindegi ótinishi túsken jaǵdaida;
• eger azamattyq hal aktisin tirkeý kezinde qateler (burmalaýlar, málimetterdi nemese jekelegen sózderdi tastap ketý) jiberilse;
• azamattyq hal aktileri jazbalaryndaǵy qateler sot tártibimen anyqtalǵanda;
• nekeni buzýǵa nemese nekeni jaramsyz dep tanýǵa bailanysty eriniń (zaiybynyń) tegi ózgertilgende;
• ul (qyz) asyrap alýdyń kúshin joiý nemese onyń kúshi joq dep taný, sondai-aq nekeniń kúshi joq dep taný týraly sot sheshimine bailanysty;
• ulty ózgergen jaǵdaida;
• ata-ananyń arasyndaǵy nekeniń toqtatylýyna nemese nekeniń jaramsyz tanylýyna bailanysty kámeletke tolmaǵan balanyń tegin ózgertkende jáne t.b.
(Tolyq tizimmen Erejede (2015 jylǵy AHAT Erejesiniń 167 baby jáne QR «Neke (erli-zaiyptylyq) jáne otbasy týraly» Kodeksi) tanysýǵa bolady).
«Biraz qazaqstandyq eGov.kz portalynda aktilik jazbalarǵa óz betinshe ózgeris engizýge bolatynyn bile bermeidi. Munda Siz týý týraly, neke qiiý týraly jáne nekeni buzý týraly kýálikter sekildi qujattarǵa engizilgen ózgeristerdi qosa alyp, olardy qaita shyǵarýǵa ótinish beresiz. Máselen, eger buryn adamnyń tegin ózgertý úshin Halyqqa qyzmet kórsetý ortalyǵyna barý kerek bolsa, qazir ony elektrondy túrde jasaýǵa bolady jáne ol úshin kezekte turýdyń qajeti joq», - dep atap ótti «Ulttyq aqparattyq tehnologiialar» AQ Basqarma Tóraǵasy Rostislav Koniashkin.
Atalǵan qyzmetti Elektrondyq úkimet portalynyń «Azamattarǵa» - «Otbasy» bóliminen tabýǵa bolady.
Azamattyq hal aktileriniń jazbalaryna ózgerister, tolyqtyrýlar men túzetýler engizýge ótinish berý úshin:
• eGov.kz portalynda avtorizatsiiadan ótińiz;
• qyzmettin túrin tańdańyz;
• kýálik beretin HQKO filialyn tańdaý;
• otbasy jaǵdaiy men tabys kózin kórsetińiz;
• aktilik jazbanyń nómiri men tirkelgen kúnin kórsetý, oǵan ózgerister engizý qajet;
• akt jazbasy úshin qandai ózgerister, túzetýler, tolyqtyrýlar qajettigin kórsetý kerek;
• ózgerister engizý úshin rastaityn qujatty tirkeý qajet;
• tólem jasaý kerek;
• ótinishke qol qoiý qajet.
Qyzmet nátijesi eGov.kz portalynyń mártebe paraǵynda jáne jeke kabinetinde habarlama túrinde paida bolady. Daiyn qujatty ótinimde kórsetilgen Halyqqa qyzmet kórsetý ortalyǵynan alý qajet.
