Foto: Álihan Sariev, Tengrinews.kz
Qazaqstandyqtar birinshi jartyjyldyqta dúkender men bazarlarǵa 6 trillion teńgeden asa qarjy jumsaǵan, - dep habarlaidy Massaget.kz portaly Ranking.kz saityna silteme jasap.
Birinshi jartyjyldyq qorytyndysy boiynsha bólshek saýda kólemi 6,1 trillion teńgege jetken, byltyrǵa qaraǵanda, bul 13,8 paiyzǵa artyq. Saýda kóleminiń ósimi 1,2 paiyz bolǵan.
Azyq-túlik taýaryn bólshek satý 1 jylda 7,9 paiyzǵa, 2 trillion teńgege deiin, al azyq-túlik emes taýardy satý 17 paiyzǵa, 4,1 trillion teńgege deiin artqan. Saýda kásiporyndary men uiymdary taýarlardy 4,3 trillion teńgege, jeke kásipkerler, sonyń ishinde bazarlarda saýda jasaityndar 1,8 trillion teńgege satqan.
2021 jyly bólshek saýda kólemi 5,3 trillion teńge bolǵan, al bul 2020 jylǵa qaraǵanda 15,9 paiyzǵa artyq.
Óńirler arasynda bólshek saýdadaǵy taýarlardyń basym bóligi Almatyda satylǵan. Qarjy boiynsha saýda kólemi bir jyl ishinde 10,7 paiyzǵa, iaǵni 1,9 trillion teńgege deiin artqan.
2-orynda elorda tur: 711,2 milliard teńge, oǵan qosa jylyna 16,8 paiyz. Kóshbasshylar úshtigine Qaraǵandy oblysy da kirgen, onda 506,7 milliard teńge jáne jylyna 5,5 paiyz.
Eń az kólemi jańadan qurylǵan Ulytaý oblysynda tirkelgen: bar bolǵany - 39 milliard teńge. Odan keiin Jetisý jáne Túrkistan oblystary tur.
