Biylǵy 11 aida elimizde jalpy quny 528,1 mlrd teńgeni quraityn 69 myńnan astam kólik quraly qurastyryldy, dep habarlaidy "Ult aqparat".
«QazAvtoÓnerkásip» Qazaqstannyń avtomobil salasy kásiporyndarynyń odaǵy taratqan málimetke sáikes, jeńil, júk, avtobýs tehnikalaryn, arnaýly mashinalar men tirkemelerdi qosa alǵanda jalpy quny 528,1 mlrd teńge bolatyn 69 687 avtokólik qurastyryldy. Naqty mánde shyǵarylǵan ónim kólemi ótken jylǵy kórsetkishten 53,9 paiyzǵa asyp tústi. Jeńil avtomobil qurastyrý 47,9 paiyzǵa artyp, 58 547 kólikke jetti. Avtobýs tehnikasyn qurastyrý da 66 paiyzǵa artyp, 1 614 birlikti qurady. 7 217 júk kóligi qurastyrylyp, ósim 1,9 ese boldy. Sonymen qatar 330 arnaýly avtotehnika men 1 979 tirkeme shyǵaryldy.
2020 jyldyń tek qarasha aiynda qazaqstandyq kásiporyndardyń konveierinen 7 891 avtokólik shyǵaryldy. Bul 2019 jylǵy kórsetkishten 25,8 paiyzǵa joǵary bolǵanymen, qazan aiyndaǵy kórsetkishten 29,2 paiyzǵa tómen bolyp otyr.
Jyl basynan beri otandyq avtozaýyttarda qurastyrylǵan 59 743 kólik satyldy. Bul ótken jylǵy kórsetkishten (39 460) 51,4 paiyzǵa joǵary. 2020 jyldyń 11 aiynda otandyq kásiporyndardyń naryqtaǵy úlesi 72,5 paiyzǵa deiin artty.
Respýblika turǵyndarynyń jergilikti óndiriste qurastyrylǵan kólikterdi satyp alýǵa jumsaǵan shyǵyndary 454,3 mlrd teńgege jetip, ótken jylǵy kórsetkishten 67,3 paiyzǵa asyp tústi.
Qazaqstanda qurastyrylǵan jeńil avtomobilderdiń ishinde esepti kezeńde suranysy joǵary bolǵan 5 brendke myna kólikter kirip otyr: Lada (16 262), Hyundai (15 621), Chevrolet (7 499), Ravon (5 866) jáne KIA (5 098). Sonymen qatar otandyq kásiporyndar usynatyn kólik túrleriniń qataryn JAC (1 816), UAZ (601) jáne Skoda (257) kiredi. Jergilikti óndiris oshaqtarynda qurastyrylǵan kólikterdiń satylym reitingin Lada Granta (7 240) bastap, odan keiingi oryndarǵa Ravon Nexia R3 (5 866), Hyundai Accent (4 425), Hyundai Tucson (4 319) jáne Lada Vesta (3 730) jaiǵasqan.
Sonymen qatar qazaqstandyq tanymal kólik túrleri qataryn Chevrolet Cobalt (3 545), Lada 4x4 (3 001), Hyundai Creta (2 930), KIA Rio (2 687) jáne Chevrolet Nexia (2 144) tolyqtyryp otyr.
2020 jyldyń qańtar-qarashasynda jeńildetilgen avtonesie memlekettik baǵdarlamasyna qatysýshylar 7 840 avtomobil satyp aldy. Osy jyldyń 11 aiynda qazaqstandyqtar 28 133 tehnikany ýtilizatsiiaǵa ótkizdi. Júrgizýge jaramsyz kólik quraldaryn ýtilizatsiialaý baǵdarlamasynyń ekinshi kezeńi aiasynda jańa avtomobil satylp alý úshin 8 684 jeńildik sertifikaty berildi. Elimizdiń avtosalondarynda mundai 10 957 sertifikat paidalanyp, qazaqstandyqtar otandyq óndiristen shyqqan 5 715 kólik satyp aldy.
