Qazaqstandyqtar bilim beretin internet-resýrstarǵa tegin kire alady, dep habarlaidy "Ult aqparat" Bilim jáne ǵylym ministrligine silteme jasap.
Bilim berý saittaryn tegin paidalanýǵa bolady. Yntymaqtastyq týraly tiisti memorandýmǵa Bilim jáne ǵylym vitse-ministri Rústem Biǵari, Tsifrlyq damý vitse-ministri Daryn Tuiaqov, sondai-aq «Qazaqtelekom» AQ, «Transtelekom» AQ, «Kar-Tel» JShS, «Ksell» AQ, «Mobail Telekom-Servis» JShS, «Astel» AQ siiaqty bailanys operatorlarynyń basshylary qol qoidy.
Jaqyn arada atalǵan bailanys operatorlary kolledjder men JOO-ǵa qashyqtan oqytý kezinde paidalanylatyn bilim berý resýrstaryna tegin kirýge múmkindik beretin tariftik josparlar ázirleidi (qazirgi qoldanystaǵy talaptar ózgertiledi).
Iaǵni, bul saittardy paidalanǵan kezde abonentterdiń internet-trafikteri (megabaittary) eseptelmeidi. Tótenshe jaǵdaidy jariialaý kezeńinde bilim berý mekemeleri (JOO men kolledjder) qashyqtan oqytýǵa kóshýine bailanysty bul sharanyń mańyzy zor.
Qazaqstandyqtar QR Bilim jáne ǵylym ministrligi usynǵan bilim berý resýrstaryna erkin kire alady. Bul tizbe men internet-resýrstardyń tizimi keiin ulǵaitylyp otyrady.
Atalǵan resýrstarǵa kirý úshin paidalanýshynyń shotynda balans bolýy kerek. Bilim berý resýrstaryna tegin qol jetkizý týraly aqparat bailanys operatorlarynyń saittarynda ornalastyrylady.
TJ rejimi kezeńinde tegin paidalanýǵa usynylǵan bilim berý internet-resýrstary:
1. AIS «SOVA.WS» - http://sova.ws
2. SMART community - http://smartedu.kz
3. SMARTNATION - http://snation.kz
4. College.Snation http://college.snation.kz
5. BilimLand https://bilimland.kz/ruAIS
6. Bilimal http://college.bilimal.kz/
7. Paragraph Bilim - http://base.blm.kz
8. Kundelik.kz - https://portal.kundelik.kz/
9. AIS «Platonus» - http://platonus.kz
10. BilimAl.kz https://www.bilimal.kz/
11. DALES - http://college.ektu.kz
12. Mektep.edu.kz - https://mektep.edu.kz
13. I-mektep.kz - https://i-mektep.kz/
14. Daryn.Online https://daryn.online/
15. AIS «CollegeSmart Nation -https://college.snation.kz/
16. AIS Siriýs http://somniumllp.com/project-sirius/
17. AIS Ýniver https://univer.kstu.kz/
18. IS Dekanat https://www.mmis.ru
19. IS PGÝ http://psu.kz/
20. Elektronnyi rektorat http://nkzu.kz
21. EUniver http://euniver.vkgu.kz/
22. IS VKGTÝ https://www.ektu.kz/
23. MÝIT https://www.iitu.kz/
24. Uninet http://uninet.kz/
Atap óteiik, tizimdegi internet-resýrstardyń qatary bolashaqta tolyqtyrylady.
