Qazaqstandyqtar ataqty Versal saraiyna onlain ekskýrsiia jasai alady, dep habarlaidy "Ult aqparat" Qazaqstandaǵy Frantsiia Elshiliginiń Instagram paraqshasyna silteme jasap.
«1 sáýir kúni Versal saraiyna ónertanýshy gid Garri Safarianmen birge virtýaldy saiahat jasai alasyz! Ekskýrsiia orys tilinde ótedi.
Sizder Versal saraiynyń tarihy jaily bilip, onyń salondary men apartamentterin videomaterialdar (kartina, músinder) men sýretterden kóre alasyzdar», - delingen habarlamada.
Ekskýrsiia kezinde virtýaldy kelýshiler ónertanýshy gidke suraqtar qoiyp, Frantsiia tarihymen tikelei bailanysty sarai qupiialary jaily bilýine bolady.
Bul biregei jáne ekskliýzivti onlain ekskýrsiia Nur-Sultan ýaqytymen saǵat 18:30-da bastalady.
«Qyzyqty saiahattan qur qalmaý úshin @franceaukz paraqshasyndaǵy «Onlain mádeni sharalarǵa jazylý» taplink-in basý arqyly ótip, formýliardy toltyrý kerek.
Tirkelgen qatysýshylar siltemeni shara bolatyn kúni alady», - dep túsindirdi QR-daǵy Frantsiia Elshiliginen.
