Azamattardyń «Ashyq» qosymshasyndaǵy statýsy týraly málimet usyný úshin arnaiy silteme jasalyp jatyr, dep habarlaidy "Ult aqparat".
Bul týraly Tsifrlyq damý, innovatsiialar jáne aeroǵarysh ónerkásibi vitse-ministri Áset Turysov aitty.
«Barlyq derek Densaýlyq saqtaý ministrliginiń derekter bazasynan alynady. Laborotoriialyq zertteýlerdiń nátijesi boiynsha árbir azamattyń statýsy sol bazaǵa engizilip otyrady. Eger sizde óz statýsyńyzǵa bailanysty kúdik bolsa, aldaǵy 2-3 kúnde barlyq BAQ-ta saittyń siltemesi jariialanady. Sol saitqa kirip, QR-kod arqyly óz statýsyńyzdy teksere alasyz. Ekinshi joly boiynsha azamattardy sońǵy tapsyrǵan PTR-testiń nátijesin basshylyqqa alýǵa shaqyrǵym keledi», - dedi ministrdiń orynbasary.
