Dúniejúzilik densaýlyq saqtaý uiymy 168 memlekette halyqtyń sporttyq belsendiligi boiynsha jańa zertteýler júrgizdi. Qazaqstandyqtar bul tizimde eń az qozǵalatyndar qataryna endi, dep habarlaidy "Ult aqparat" «Habar 24» telearnasyna silteme jasap.
DDU-nyń málimetterine sáikes, Qazaqstanda 18 jastan asqan erler men áielderdiń 27,5 paiyzy sportpen kóp shuǵyldanbaidy. Al Belarýs pen Qyrǵyzstanda bul kórsetkish aitarlyqtai jaqsy - halyqtyń 14 paiyzy az qozǵalady.
Sporttyq belsendilik jaǵynan Resei, Ózbekstan jáne Ýkraina Qazaqstannyń aldynda tur. Al halqy eń kóp qozǵalatyn memleketter Ýganda men Mozambik bolyp tabylady. Onda turǵyndardyń 6 paiyzy ǵana sportqa jaqyn emes eken.
Bul rette, Kýveit jáne Saýd Arabiiasy syndy bai memleketterde eresekterdiń jartysynan astamy qozǵalysty súimeitin bolyp shyqty. Olar reitingte AQSh pen Ulybritaniiany da basyp ozǵan. Biraq ol elderde de kórsetkishter bir-birinen asa alshaq emes.
Osylaisha, álemdegi árbir besinshi eresek adam fizikalyq jaǵynan belsendi emes. Osyǵan orai, DDU dabyl qaǵyp, infektsiialyq emes syrqattarǵa shaldyqqandar sany artyp otyrǵanyn aitýda. Olardyń arasynda júrek aýrýlary, qant diabeti, sút bezi men toq isheginiń qaterli isigi bar.
DDU basshysy Tedros Adhanom Gebreisýstyń aitýynsha, kásipqoi sportshy bolýǵa mindetti emes. Liftimen emes - satymen kóterilý, kóbirek júrip, velosiped tebý jetkilikti.
Telearnanyń habarlaýynsha, aldaǵy 27 qyrkúiek kúni Niý-Iorkte ótetin BUU Bas Assambleiasynyń 73-sessiiasynda infektsiialyq syrqattar boiynsha Joǵary deńgeidegi úshinshi keńes ótetin bolady. Forým qatysýshylary álem halqynyń sporttyq belsendiligin arttyrý boiynsha DDU-nyń Jahandyq josparyn talqylaidy.
