Foto:kapital.kz
2017 jyly iske qosylǵan tazartylǵan altyn quimalardy satý jáne satyp alý baǵdarlamasy júzege asyryla bastaǵaly 8 tonnaǵa jýyq ónim satyldy, - dep habarlaidy Ult.kz QR Ulttyq bankiniń baspasóz qyzmetine silteme jasap.
QR Ulttyq banki 2024 jyldyń qorytyndysy boiynsha ekinshi deńgeili bankterge (EDB) jáne banktik emes jekelegen aiyrbastaý pýnkterine jalpy salmaǵy 1,7 tonna 47 395 ólshemeli quima satty, - delingen habarlamada.
2024 jyly quimalar kóp satylǵan óńirler:
Almaty (32 735 dana, 69 paiyz),
Shymkent (5 200 dana, 11 paiyz)
Qaraǵandy (2 209 dana, 5 paiyz).
Osylaisha, 2024 jyly ekinshi deńgeili bankter men banktik emes jekelegen aiyrbastaý pýnkteri keri satyp alýdy eskergende, halyqqa jalpy salmaǵy 2,5 tonna 71 106 quima satqan. Baǵdarlama iske qosylǵaly jalpy salmaǵy 7,9 tonna bolatyn 222 680 altyn quima satylǵan.
Halyq arasynda suranysqa ie quima salmaǵy – 10 gramm. Jalpy satylǵan kólem ishinde onyń úlesi 25 paiyz – 54 875 dana. Odan keiin 5 gramdyq quima – 49 145 dana (22 paiyz), 100 gramdyq quima – 47 943 dana (22 paiyz), 20 gramdyǵy – 40 843 dana (18 paiyz) jáne 50 gramdyq quima – 29 874 dana (13 paiyz).
