Jolaýshylar poiyzynda biletterdi qaitarý jaǵdaiy turaqtandy. Qazirgi ýaqytta «Jolaýshylar tasymaly» AQ biletter kassasyna 3,6 mlrd teńgeniń biletteri tapsyrylǵan. 12-26 naýryzda qazaqstandyqtar 578 myń temirjol biletterin ótkizgen, dep habarlaidy "Ult aqparat" «Qazaqstan temir joly» UK» AQ baspasóz qyzmetine silteme jasap.
Vokzaldarda paidalanylmaǵan biletterdi ótkizý týraly habarlandyrý aitylýda. Temirjol qyzmetkerleri bilet kassalarynda bir-birinen 2 metr qashyqtyq ustaý kerektigin túsindirip jatyr.
Jolaýshylar poiyzynda jolserikter jolaýshylardyń densaýlyǵyn qadaǵalaýda. Vagondardy jinaý kestege sáikes júrgizilip jatyr jáne dezinfektsiia jasaý erejeleri saqtalýda.
Belgili bolǵandai, 2020 jyldyń 19 naýryzynda Nur-Sultan men Almaty qalalarynda osy jyldyń 22 naýryzynan bastap karantin engiziletini jariialanǵannan keiin eki qalaǵa barlyq baǵyttaǵy jolaýshylar poiyzynyń qozǵalysy toqtatyldy. Qazaqstandyqtardyń biletterdi qaitaryp jatqany nazarǵa alyna otyryp, kelýshiler vokzalǵa tek maskamen bir esikten kirip jatyr. Perronǵa shyǵatyn jol tolyqtai jabyldy.
Nur-Sultan men Almaty qalalaryndaǵy vokzaldarda barlyq saýda nysandary jabyq tur. Jalǵa alýshylarmen kelisim karantin kezinde toqtatyldy.
