BJZQ investitsiialyq portfeldi basqarýshylarǵa zeinetaqy jinaqtarynyń alǵashqy aýdarymdaryn jasady, dep habarlaidy "Ult aqparat" Qordyń basúpasóz qyzmetine silteme jasap.
2021 jylǵy 15 naýryzdaǵy jaǵdai boiynsha BJZQ 2021 jyldyń 18 aqpanynan beri túsken 190 ótinishti óńdep, investitsiialyq portfeldi basqarýshylarǵa (IPB) shamamen 521,4 mln teńge aýdardy. Aýdarymnyń ortasha somasy shamamen 2,7 mln teńge.
Oryndalǵan ótinishterdiń 54% astamy Almaty qalasynyń turǵyndarynan tústi. Almatylyqtardyń IPB-ǵa senip tapsyrǵan aýdarymdarynyń ortasha somasy 2,7 mln teńgeni qurady. Oryndalǵan ótinishterdiń 18% astamyn Nur-Sultan qalasynyń turǵyndary berdi. IPB-ǵa aýdarylǵan ortasha soma 4,3 mln teńge. Basqarýshy kompaniialarǵa aýdarylǵan eń kóp somalardyń (orta eseppen 6,7 mln teńge) iegerleri – Atyraý oblysynyń turǵyndary. Munda zeinetaqy jinaqtaryn aýdarý týraly bar-joǵy úsh ótinish oryndaldy, biraq olardyń jalpy somasy 20 mln teńge.
15 naýryzdaǵy jaǵdai boiynsha BJZQ-ǵa jinaqtardy IPB-ǵa aýdarý týraly barlyǵy 732 ótinish túsken. Onyń 190-y oryndalyp, 403 ótinish qazirgi sátte óńdelý ústinde, al 139 ótinishti oryndaýdan bas tartyldy.
Zeinetaqy jinaqtaryn aýdarý úshin salymshy BJZQ-ǵa ótinish jasaýy qajet, ony enpf.kz saityndaǵy jeke kabinet arqyly nemese BJZQ-nyń kez kelgen óńirlik bólimshesine ózi kelgende berýge bolady.
Eske salsaq, 2 qańtarda QR Prezidenti Qasym-Jomart Toqaev zeinetaqy jinaǵynyń bir bóligin maqsatty paidalanýǵa qatysty zańǵa qol qoidy.
Qazaqstandyqtardyń zeinetaqy jinaqtaryn paidalaný úshin jańartylǵan «jetkiliktilik shegi» jariialandy. Zeinetaqy jinaǵynan alýǵa bolatyn soma BJZQ saitynda avtomatty túrde kórsetiledi.
Sonymen qatar, Basqarýshy kompaniialarǵa beriletin qarajattan tabys salyǵy alynbaidy. Qazaqstandyqtar 6 kompaniiaǵa zeinetaqy jinaǵyn investitsiialai alady.
