2021 jylǵy 1 qańtardan bastap 1 sáýirdi qosa alǵandaǵy kezeńde jeke tulǵalardyń kólik quraldaryna salynatyn salyq boiynsha biýdjetke 19,7 mlrd teńge tústi. Aǵymdaǵy jylǵy 25 naýryzdaǵy jaǵdai boiynsha osyǵan deiin 6,6 mlrd teńge tússe, aldaǵy tólemder týraly push-habarlama jibergennen keiin 13,1 mlrd teńge túsken. Mundai statistikany QR QM Memlekettik kirister komiteti jariialady.
Sondai-aq, MKK-de: «Salyq kodeksine engizilgen ózgeristerge sáikes 2020 jylǵa kólik quraldaryna salynatyn salyqty jeke tulǵalar 2021 jylǵy 1 sáýirden keshiktirmei tóleýi qajet bolatyn»,- dedi.
2 sáýirden bastap árbir keshiktirilgen kún úshin ósimpul esepteledi.
Osyǵan deiin, a.j. 30 naýryzynda https://t.me/kgdmfrk Telegram arnasynda kólik salyǵy boiynsha saýalnama júrgizgen. «Siz 2020 jylǵa arnalǵan kólik quraldary salyqtyń tólenýge tiisti aldaǵy somasyn qalai bildińiz?»,- degen suraqqa saýalnamaǵa qatysýshylar kelesidei jaýap bergen:
- saýalnamaǵa qatysqandardyń 36%-i salyq somasyn «e-Salyq Azamat» mobildi qosymshasy arqyly bilgen;
- 30%-i banktiń mobildi qosymshasy arqyly;
- 5%-i «e-Salyq Azamat» mobildi qosymshasyndaǵy Kalkýliatordyń kómegimen ózderi derbes eseptegen;
- 21% respondentter Memlekettik kirister komitetiniń portalyndaǵy Kalkýliatordyń kómegimen óz betinshe eseptegen;
- 8%-i Memlekettik kirister basqarmasyna baryp, keńes alýdy jón kórdi.
Eske sala keteiik, budan buryn Memlekettik kirister komiteti kólik salyǵy boiynsha aldaǵy tólemderdi alǵash ret tóleý merzimine deiin «e-Salyq Azamat» tegin mobildi qosymshasyna jiberetinin málimdegen.
2020 jylǵa jeke tulǵalardyń kólik quraldaryna salynatyn salyq IIM Ákimshilik politsiia komitetiniń málimetteri negizinde eseptelgen.
